~~SHANU'z COLLECTION~~ ®

Poetry Contest Winner Number of posts : 9384 Age : 114

First topic message reminder :

~*~*SHANU'z COLLECTION*~*~

My Collection Smile

Poetry Contest Winner Number of posts : 9384

chandani raat koo pasand kernay waloon kay naam

Yeh Hava 'SAGAR', Yeh Halki Chandni
Jee mein aataa hay, YAHIEN MAR JAIN…!!!

Poetry Contest Winner Number of posts : 9384

aur iss kay baray main aap kaya kahain gay ???

FAK’EEH Sheher nay TOHMAT lagai SAGHIR par
Yeh Shakhs DARD ki DOLAT ko AAMM karta hay…!!! :?:

Poetry Contest Winner Number of posts : 9384

dosti kay naam

Gaye dino mai hum ne ki her ik pari se Dosti
Phir dil lagi mai dhal gayi kissi kissi se Dosti

Phir maamla e ishq mai raas aagyi hummain..
Hajum e mahrukhaa'n mai aik saanwali se Dosti

Ik hawas tere mere beech mai rahay gi bas
Tu ne gar nikaal dee iss aashiqi se Dosti

Phir azmana azmaaye huwo'n ko azmaaish ha
Aye dil na ker naadaniyaa'n na ker ussi se Dosti

Theekh uss se agli shab chaand ko gehen laga
Hum ne jiss raat kee thi chaandni se Dosti

Hazaarha aur bhi hain dost mere sheher mai
Ker gayi ruswa magar mujhay tumhi se Dosti

Ye sheher dekhta tha gul gulaab ka khizaao'n mai
Rakhi thee meri deed ne jis kee galli se Dosti

jis roz tere haath mai likhi hina ne roshnee
Uss roz hum ne tor li thi her khushi se Dosti

Janay phir maut se kui lag raha ha der muje
K iss qadar na ki thi mai ne zindagi se Dosti

Faris mizaaj e aadmi ha ker nahi sakta kabhi
Her ik nafas se dushmani na her kissi se Dosti

Poetry Contest Winner Number of posts : 9384

Qariib maut kharii hai zaraa Thahar jaao
Qazaa se aaNkh larii hai zaraa Thahar jaao

Thakii thakii sii fazaayeN bujhe bujhe taare
Barii udaas gharii hai zaraa Thahar jaao

Nahiin ummiid ki ham aaj kii sahar dekhen
Ye raat ham pe karii hai zaraa Thahar jaao

Abhii na jaao ki taaron kaa dil dharaktaa hai
Tamaam raat parii hai zaraa Thahar jaao

Phir is ke baad kabhii ham na tum ko rokenge
Labon pe saaNs aDii hai zaraa Thahar jaao

Dam-e-firaaq men jii bhar ke tum ko dekh to luuN
Ye faisale kii gharii hai zaraa Thahar jaao

Boyz vs Girlz Mod Number of posts : 12116

Poetry Contest Winner Number of posts : 9384 Age : 114

Gaye dino ka suraag lekar kidhar se aaya kidhar gayaa wo
ajeeb manoos ajnabi tha mujhe to hairaan kar gayaa wo
Khushi ki rut ho ke gam ka mausam nazar usse dhoondti hai hardum
wo boo-e-gul tha ke nagma-e-jaan mere to dil mein utar gayaa wo
wo maikade ko jagaane waala wo raat ki neend udaane waala
na jaane kya uss ke jee mein aayee ki shaam hote hi ghar gayaa wo
kuch ab sambhalane lagi hai jaan bhi badal chala rang aasmaan bhi
jo raat bhaari thi tal gayee hai jo din kadaa tha guzar gayaa wo
shikastapaa raah mein khadaa hoon gaye dino ko bula raha hoon
jo qaafila mera hamsafar tha misl-e-gard-e-safar gayaa wo
bas ek manzil hai bulhavas ki hazaar raste hain ahl-e-dil ke
ye hi to hai farq mujh mein uss mein guzar gayaa main thahar gayaa wo
na ab wo yaadon ka chadhta dariya na fursaton ki udaas barkha
yoon hi zara si kasak hai dil mein jo zakhm gehra thaa bhar gaya wo
wo raat ka benawaa musafir wo tera shaayar wo tera 'Nasir'
teri gali tak to hum ne dekha phir na jaane kidhar gaya wo

Poetry Contest Winner Number of posts : 9384 Age : 114

Hum nagri nagri jaatey hain aur gaher gaher geet sunnatey hain
Hum gallion gallion aangan aangan peyaar ke deep jalaatey hain

Hum khushboo ke sodaagar hain aur soda sucha kartey hain
Jo gaahak phoolon jaisa ho hum bin daamon bikk jatey hain

Hum sheher-e-wafaa ke lougon ka tum haal bhala kia jaano
Hum dill ki chot chhupatey hain aur aansoo tak pee jatey hain

Jo loug sharafat waley hain, woh qadrey buzdill hotey hain
Dushman say nehi dartey woh magar, kam zarfon say gabhratey hain

Ehsaas-e-hamiyat ehl-e-nasab ki sab say barri kamzori hai
Woh apno say bhi haal-e-preshaan kehtey huey sharmaatey hain

Hum sachey hain, yeh kaisay kahain, sach sab ke bas ki baat nehi
Jo sachi baatein kartey thay, woh peghamber kehlatey thay

Poetry Contest Winner Number of posts : 9384 Age : 114

"Us Simt Chalay Ho, To Bus Itna Usay Kehna
Ab Koi Nahi Harf-e-Tamana Usay Kehna!!!

Dunya To Kisi Haal Mein Jeenay Nahi Deti
Chahat Nahi Hoti..Kabhi Ruswa..Usay Kehna!!

Us Nay Hi Kaha Tha To...Yaqeen Mein Nay Kiya Tha
Umeed Pay Qaem Hai Yeh DUnya Usay Kehna!!!

Zarkhaiz Zameenain Kabhi Banjar Nahi Hoti
Darya Hi Badal Letay Hain..Rasta..Usay Kehna!!

Wo Meri Rasaae Mein Nahi Hai..To Ajab Kia!!!
Hasrat Bhi To Hai Ishq Ka Lehja Usay Kena!!!

Kuch Log Safar k Liyay Mozoo'n Nahi Hotay
Kuch Raastay Kat'ty Nahi Tanha Usay Kehna!!!

Poetry Contest Winner Number of posts : 9384 Age : 114

MMISHAL POSTED THIS POEM IN BEST GHAZAL COMPETITION THIS WEEL

per she posted just few shairs

so for u dedicated to MISHAL Smile

bohat hee pyari and khobsurat nazam hay, read and enjoy

mohabbat.........

Tum jahan pay baith kay jatee hoo

jis cheez ko hath lagate hoo

may wahee pay baitha rehta hoon

us cheez ko chota rehta hoon

may aisee mohabbat kerta hoon

tum kaisee mohabbat kerte hoo?

Tum jis say hans kay milte hoo

main us ko dost banata hoon

tum jis rastay per chalte hoo

may us say aata jaata hoon

may aisee mohabbat kerta hoon

tum kaise mohabbat kertee hoo?

Tum jin ko daikhte rehte hoo

woh khawab sirhanay rakhta hoon

tum say milnay julnay kay

kitnay he bahanay rakhta hoon

may aise mohabbat kerta hoon

tum kaise mohabbat kerte hoo?

Kuch khawab saja ker aankhoon may

palkoon say mouti chunta hoon

koi lams agar choo jayay tu

main pehroo us ko sochta hoon

may aises mohabbat kerta hoon

tum kaise mohabbat kerte hoo?

Jin logo may tum rehte hoo

tum jin say batain kerte hoo

jo tum ko achay lagtay hain

wohe mujh ko achay lagtay hain

may aise mohabbat kerta hoon

tum kaise mohabbat kerte hoo?

jab sooraj madham perta hai

jab chand rooshan hota hai

jab tarey chamakney lagtey hain

main her taroon se batain kerta hoon

main aisi mohabat kerta hoon

tum kaisi mohabbat kertey ho?

jab raat andhairi hoti hai

jab yaad teri terpaari hai

jab neend mujhe nahin ati hai

main tera tasawur bandh ker

sooney ki kooshish kerta hoon

main aisi mohabat kerta hoon

tum kaisi mohabat kertey ho?

jab thandi huwain chalti hain

jab tip tip baarish hoti hai

jab dil main hulchul hoti hai

main yad tumhain hee kerta hoon

main aisi mohabat kerta hoon

tum kaisi mohabat kertey ho?

jab ank main ansoon atey hain

jab dil main pather chubtey hain

jab seeney main kanta lagta hai

main yad tumhain he kerta hoon

ro ro k dareya bahata hoon

main aisi mohabat kerta hoon

tum kaisi mohabat kerte ho ..!!??

Subject: Re: ~*~*SHANU'z COLLECTION*~*~ ® Fri Apr 10, 2009 12:30 pm

AWwW F@nx SHANU ...

Subject: Re: ~*~*SHANU'z COLLECTION*~*~ ® Fri Apr 10, 2009 12:31 pm

Copy Mar Lon ... :?:

Poetry Contest Winner Number of posts : 9384 Age : 114

welcome MISHAL and yeah sure

Bohat Dinon Baad Uss Say Mil Ke
Hum Baat Be-baat Khilkhila Ke Hanstey Rahey
Haal Ahwaal Poochtey Rahey
Mosam Pay
Shayari Pay
Kitaabon Pay
Zindagi Pay
Zindagi Ke Har Mozoo Pay
Zor-o-Shor Say
Bahsein Kartey Rahey
Be-thakan Boltey Boltey
Yak Dum Uss Gham Shanaas Ne
Humein Ye Keh Ke Chup Kara Diya
Tanha!!!
Aaj Sabab Kya Hai
Kyun Be-thakan Boley Hi Jaa Rahey Ho
Baat Be-baat Hanstey Hi Jaa Rahey Ho
Go Hastey Huwey Achey Lagtey Ho
Mujhey Pyarey Lagtey Ho
Main Sadaa Tumhein
Hanstey Huwey Hi Daikhna Chaahti Hoon
Par Jaaney Kyun Tumhari Ye Khokhli Hansi
Mujhey Muztarab Kar Rahi Hai
Tumhari Sogwaar Aankhein
Tumhari Hansi Ka Pol Khol Rahi Hain
Keh Do Jo Kehna Hai
Dil Ke Nihaan Khaanon Mein Chupey Dukh
Bayaan Kar Do
Raaz Saarey Hi Bayaan Kar Do
Main Jaanti Hoon Ikk Baar Mainey Tum Say Kaha Tha
Tanha!!!
Khush Raha Karo Mairey Liye...
Phir Jab Bhi Tum Mujh Say Miley
Tum Ne Apna Koi Dukh Bhi Mujh Say
Bayaan Nahin Kiya
Hansi Ka Libada Aorrh Ke Hi Miltey Rahey Ho
Par Tumhari Udaas Aankhein
Sogwaar Aankhein
Jab Bhi Main Daikhti Hoon
Be-chain Ho Jaati Hoon
Keh Do Jo Kehna Hai
Warna Mujhey Gumaan Hai
Tumhari Palkon Pay Jurrey Aansoo
Zabt Ki Saari Hadein Torr Ke
Beh Jayein Gey Kisi Din
Keh Do Jo Kehna Hai
Keh Do Jo Kehna Hai
Main Kuch Na Keh Saka ......
Jaaney Kyun Chup Hi Raha
Uss Ki Saari Baaton Ko
Khokli Hansi Ke Saath Rad Kar Ke
Chala Aaya
Shayad Apney Zabt Ko Aazmaney ....

Subject: Re: ~*~*SHANU'z COLLECTION*~*~ ® Fri Apr 10, 2009 12:46 pm

Ye Bhi Woooooooooooooo Hai ... ... Kar Lon ... hehehe

Poetry Contest Winner Number of posts : 9384 Age : 114

jee lay lain aap

Tere chehray pe khil jaaon Haya honay ko jee chahay
Teri sagar si aankhon mai Fana honay ko jee chahay

Tammana hai tere honto'n ko choo k bhasm ho jaaon
Tere ashko'n sa gaalo'n per Fida honay ko jee chahay

Sitaaro'n ki jaga khud ko tere aanchal pe mai taankoo'n
Teri zulfo'n mai bal khaati Hawa honay ko jee chahay

Rutto'n kee baag merey haath mai aati nahi werna
Bana k tujh ko sehra khud Ghatta honay ko jee chahay

Kabhi tau dekhnay do bin tere kese tarapta hoo'n
Kabhi tum ko Khafa ker k Khafa honay ko jee chahay

Batao kya karo gey tum ager mai ye kahoo'n tum se
Mera iss zard mosam mai Hara honay ko jee chahay

Purana ho gaya hoo'n zindagi ki dhoop mai jaana
Laga mujh ko galay apnay Naya honay ko jee chahay (love this line)

Tere dil se nikal aaoon teri saanso ki khushboo tak
Sunoo honto ki sargoshi Dua honay ko jee chahay

Ye tanhaai teri jaana yeh gumnaami yeh badnaami
Ye sab kuch cheen k tujh se Tera honay ko jee chahay

Subject: Re: ~*~*SHANU'z COLLECTION*~*~ ® Fri Apr 10, 2009 1:01 pm

last zabrdast hai 1st time parhi hai Very Happy

Subject: Re: ~*~*SHANU'z COLLECTION*~*~ ® Fri Apr 10, 2009 1:06 pm

@ Abuv Wordinz ... Ummmm ... Sho Romantic ... + 4 ya ...

Poetry Contest Winner Number of posts : 9384 Age : 114

yeh +4 kiss ko milay hain

mano ko kaya ????

thanks to both of u for reading and commenting

Subject: Re: ~*~*SHANU'z COLLECTION*~*~ ® Sat Apr 11, 2009 2:45 am

nops shanu ye aap ko milay hain meri or mishay ki traf se Very Happy

Poetry Contest Winner Number of posts : 9384 Age : 114

thats very kind of u

MANO aap kaa abhe thanks and MISHAL jb aayay tb woh perh

thanks again Smile

Poetry Contest Winner Number of posts : 9384 Age : 114

ek pyari see dua sab kay liyay

koe zabt dy na jalal dy,
mujhy sirf itna kamal dy,
myn har ek ki sada bano,
ky zamana maire misal dy,
teri rehmato ka nuzool ho,
meri mehnato ko sila mily,
mujhy mal o zar ki hawas na ho,
mujhy bus to rizq e halal dy,
mere zehen my taire fikr ho,
mere sans my taira zikr ho,
tera khauf maire nijat ho,
sabhi khauf dil sy nikal dy,
teri bargah my ay KHUDA,
maire roz o shab hy yehe dua,
tu RAHEEM hy tu KAREEM hy,
tu sabhi balaon ko taal dy... Smile

Want a gift from us ? Number of posts : 1890 Age : 36

wow nic3 job....

Poetry Contest Winner Number of posts : 9384 Age : 114

Q tujh sy bar bar mohabbat jataon myn,
behtar hy ab yehe ky tujhy bhool jaon myn,
waqif tairy sulook sy sara jahan hy,
phir q zindage ko or tamasha banao my,
nafrat ka ek bar wo izhar to kary,
us ko tamam umr jo surat dikhaon my,
hasrat bhari nigah ka koe sabab to hy,
tu hal e dil to pooch kahen mar na jaon my,
ghum ka mairy elaj tu bhi na kar saka,
phir q na is jahan sy pecha churao myn.

Poetry Contest Winner Number of posts : 9384 Age : 114

Woh ajnabi ajnabi se chehray,woh khawab khaimay rawan dawan se
Basay hoay hain abhi nazar mein,sabhi manazir dhuwan dhuwan se

Yeh aks-e-dagh-e-shikast-e-paymaan,wo rung-e-zakhm-e-khulos-e-yaraan
Main ghumgusaaroon mein sochta hoon,keh baat chheroon kahan kahan se

Ye sungraizay adawtoon ke,woh aabgenay sakhawtoon ke...!!
Dil-e-musafir qubool kar le, mila hai jo kuch jahan jahan se

Bichharrnay walay bichherr chala tha to nisbtain bhi ganwa ke jata
Teray liey shehr bhar se ab bhi main zakhm khaaon zubaan zubaan se

Meri mohabbat ke wehmoon se paray tha tera wujood warna..!!
Jahan jahan tera aks thera, main ho ke aya wahan wahan se

Tu humsafar hai na humnafas hai,kisay khabar hai keh tu kidhar hai
Main dastkain de ke pooch baitha makeen makeen se makan makan se

Abhi mohabbat ka ism-e-aazam laboon pe rehnay de jan-e-MOHSIN
Abhi hai chahat nai nai si, abhi hain jazbay jawan jawan se Smile

Poetry Contest Winner Number of posts : 9384 Age : 114

intehai touching words

feel them

badan to aam miltey hain numaaish aam hoti hai

magar be-rooh jismon mein wafa be-naam hoti hai

khareeda us ko jata hai jo bazaar mein bikta

muhabbat to nahin bikti, sadaa be-daam hoti hai

ibaadat ka silaa milta hai ALLAH se, suna hai yeh

kahan deewangi aakhir kahin na-kaam hoti hai

hamare ru-baru jalwon ka mausam bhi tumhara hai

firaaq-o-visl ki har rut tumhare naam hoti hai

ujaale jab churralen haath chupke se samajh lena

wahan ik shama jalti hai jahan par shaam hoti hai .......

Poetry Contest Winner Number of posts : 9384 Age : 114

EK BOHAT KHOBSURAT POEM

Mere Humsafer, mere Hum-nasheen
Main ne Rab se manga to kuch nahi
Per jub bhi mangi koi dua!
Nahi manga kuch bhi "Tere Siwa"
Ye talab kya k mera Khuda!
Naye saal ki
Naye ehad ki
Sabhi rahtain, Sabhi chahtain,
Wo ata kre tujhe manzlain,
Ye talab kya k mera Khuda!
Tujhe Bakht de,
Tujhe Taj de
Tujhe Takht de,
Mere Humsafer,
Mere Chara-ger,
Ye hai mohabbat ka khatan safer
Mere sath chalna zra soch ker
Mere pass zarr na koi hunar
Phir bhee dekh to mera hosla
Mere paas jo kuch, Sabhi tera
Nahi aur kuch bhi tere siwa
Meri Dosti
Meri Zindgi
Meri Khamoshi
Meri Be-basi,
Meri Subha Bhi
Meri Sham bhi
Mera Ilm bhi
Mera Naam bhi,
K jo mil saken mere Daam bhi,
Wo sabhi kuch tujh ko ata kre;
Mere chara gr tu yaqin to kr
Mujhe mangna to na aa ska
Main ne phir bhi mangi yehi Dua
K gwahi de ga mera Khuda
Maine jub b us se talab kya!
Nahi manga kuch bhi "Tere Siwa"

Poetry Contest Winner Number of posts : 9384 Age : 114

BACHPAN KAY DINOON KAY NAME

Yaad Aatey Hain Jab Bhi Din Woh Puraney
Ye Naina Kyun Lagtey Hain Aansoo Bahaney
Pagley Hain Naina Itna Na Jaaney
Nahin Lottey Hain Kabhi Din Puraney
Woh Bachpan Ki Baatein Woh Rangeen Zamaney
Chootey Yoon Hum Say Hon Jaisey Khazaney
Kahan Lottey Hain Woh Saathi Puraney
Kahan Phir Say Miltey Hain Gum Kar Khazaney ....! Sad

Subject: Re: ~*~*SHANU'z COLLECTION*~*~ ® Mon Apr 20, 2009 10:44 am

Quote :: "Tere chehray pe khil jaaon Haya honay ko jee chahay
Teri sagar si aankhon mai Fana honay ko jee chahay

Quote :: badan to aam miltey hain numaaish aam hoti hai

magar be-rooh jismon mein wafa be-naam hoti hai

Quote :: Mere Humsafer, mere Hum-nasheen
Main ne Rab se manga to kuch nahi

Awsome!!!!!

Poetry Contest Winner Number of posts : 9384 Age : 114

thanks komal jee

again kuch bachpan kay name

Bachpan ki saari baateiN,, kaise mein bhool jauu
Mein to samajh gayi hu,, dil kaise samjhauu?
Nadaniya wo apni ,, shaitaaniya wo apni,,
Ho ker kareeb mein bhii,, anjaaniya wo apni,,
Dil to nahi hai bhoola,, mein kaise bhool jauu?
Her dam kareeb tere,, the khushnaseeb kitne,,
Didaar ko bhi tarse,, hum badnaseeb kitne,,
Mein to samajh gayi huN,, nainoN ko kya samjhauu?
AaNkhoN se ashk ban ke ,,armaN nikal rahe hai,,
AaNsuO ke sahaare,, din to guzar rahe hai,,
Din to guzar raha hai,, raatoN ko kya samjhauu?
Jaane kaha gaya wo,, hoker judaH mujhse
Koi khata nahi thia, fir kyu khafa wo mujhse
Mein to samajh gayi huN ,, use kaise samjhauu ?
Bachpan ki saari baateiN kaise mein bhool jauu????

Poetry Contest Winner Number of posts : 9384 Age : 114

again bachpan kay name

Kuch nahi chahye tujh se aay umr-e-rawan
Mera bachpan,mere jugno,meri guriya ladee

Jis ki aankhen mujhe ander se bhi par sakti hon
koi tu chehra mere sheher main aisa lla de Smile

Poetry Contest Winner Number of posts : 9384 Age : 114

is this touchy ????

mujh ko yaqeen hai sach kehtie thien jo bhi ammi kehti thien,
jab mery bachpan k din thy , chand pe pariyan rehtien thein..

aik ye din jab apno ny bhi hamsy nata tor liya.
aik wo din jab pair ki shakhein bojh hamara sehti thein.

aik ye din jab sari sarkein rothi roothi lagti hain...
aik wo din jab ao khelien sari galiyaan kehti thein.

aik ye din jab jaagi aankhien deewaron ko takti hain,
aik wo din jab shamo ki bhi palkein bojhal rehti thein.

aik ye din jab gham laakhon aur kaal para hai aansoo ka
aik wo din jab aik zara si baat pe nadiyan behti thein..

mujhe ko yaqeen hai sach kehti thien jo bhi ammi kehti thein
jab mery bachpan k din thy chaand pe pariyan rehti thien Smile

~*~*SHANU'z COLLECTION*~*~ ®

~*~*SHANU'z COLLECTION*~*~ ®

~~SHANU'z COLLECTION~~ ®

~~SHANU'z COLLECTION~~ ®