First topic message reminder :

gaye dino ki baat hai
shabab per bahar thi
hawa b khushgawar thi
najane kiu machal para
main apne ghar se chal para
kisi ne muj ko rook kar
bari ada se tok kar
kaha k lout aeye
meri kasam na jaeye


wohi hasen sham hai
bahar jis ka nam hai
chala hun ghar ko chor kar
na jane jaun ga kidr
koi nahi jo rook kar
koi nahi jo tok kar
kahy k lout aeye
meri kasam na jaeye

~~~~~~~~~~~~~~~~~~

Aisa nahi k us sa Mohabbat nahi hamain,
Gham Roz Roz sehna ki aadat nahi hamain,
Har bar us k samna sar ko juka liya,
Our pir b dekh uss sa Shikayat nahi hamain,
Aetibar kar k Chahte hai hum,
Uss k siwa kisi ki b Chahat nahi hamain,
Hum jantain hai wo b hai Tanha hamra bina,
Oouron sa poochne ki zarorat nahi hamain,
Kaisay rahain ga Bin uss k ab Baat man lay,
Us k bagair Rahnay ki Aadat nahi hamain...!!!

MUHHABAT CHOOD DI HUM NE

abhi jo lout kr phir tum,
Hamary dar pe aye ho,
ye tumse keh dia kisne,
K tum bin reh nahi skte?
Ye dukh hum seh nahi sakty?
Agar tum jan'na chaho,
K aisa kiuon kiya humne,
Ye dukh kiuon seh lia humne,
to sun lo ghor se jana,
Purani ehd-e-rafta ki riwayat tor di humne,
MUHHABAT CHOOR DI HUM NE
MUHHABAT CHOOD DI HUM NE

yuun na mil mujh se Khafaa ho jaise
saath chal mauj-e-sabaa ho jaise
log yuun dekh kar hans dete hain
tuu mujhe bhool gayaa ho jaise
ishq ko shirk kii hadh tak na badhaa
yuun na mil hamse Khudaa ho jaise
maut bhii aaii to iss naaz ke saath
mujh pe ehasaan kiyaa ho jaise
aise anjaan bane baithe ho
tum ko kuchh bhii na pataa ho jaise
hichkiyaan raat ko aatii hii rahiin
tuu ne phir yaad kiyaa ho jaise
zindagii beet rahii hai "..........."
ek bejurm sazaa ho jaise

Ajab Pagal Si Larki Hai
Mujhay her khat main likhti hai
“Mujhay tum yaad kertay ho?
Tumhain main yaad aati hooN?”
Mri baatain satati hain
Mri neendain jagati hain
Meri aankhain rulaati hain
December ke sunehri dhoop main abb bhi teheltay ho?
Kisi khamosh rustay se
Koi awaaz aati hai?
Thatharti sard raatoN main
Tum abb bhi chhatt pe jaatay ho?
Falak ke sab sitarooN ko
Meri baatain sunatay ho?
KitaboN se tumharay ishq main koi kami aai?
Ya mairi yaad ke shiddat se aankhoN main nami aai?
Ajab pagal Si larki hai
Mujhay her khat main likhti hai..
Jawaban ous ko likhta hooN..
Meri masroofiyat daikho subah se shaam office main
Chiragh-i-umer jalta hai
Phir ous k baad duniya kee
Kaee majbooriyan pao`n main bairi daal rakhti hain
Mujhay bay-fikr, chahat se bharay sapnay nahin dikhtay
Tehelnay, jagnay, ronay kee mohlat hee nahin milti
SitarooN se millay arsa hua..naraz hon shayad
KitabooN se shughaf maira abhi waisay he qayem hai
Farq itna parra hai ab ounahin arsay main parhta hooN
Tumhain kis ne kaha pagli tumhain main yaad kerta hooN
Ke main khud ko bhulanay kee musalsal justajoo main hooN
Tumhain na yaad aanay kee musalsal justajoo main hooN
Mager yeh justajoo meri bohat nakaam rehti hai
Mere din raat main abb bhee tumhari shaam rehti hai
Mere lafzooN ki her maala tumharay naam rehti hai
Tumhain kis ne kaha pagli tumhain main yaad kerta hooN
Purani baat hai jo log akser gungunatay hain
Unhain hUm yaad kertay hain jinhain hUm bhool jatay hain
Ajab pagal si lerki ho
Meri masroofiyat daikhoo
Tumhain dil se bhulaooN tu tumhari yaad aaye na
Tumhain dil se bulanay kee mujhay fursat nahin milti
Aur is masroof jeewan main
Tumahray khat ka ikk jumla
“Tumhain main yaad aati hooN ?”
Meri chahat ki shiddat main kami honay nahin daita
Buhat raatain jagata hai mujhay sonay nahin daita
So agli baar apnay khat main yeh jumla nahin likhna
Ajab pagal si larki hai mujhay phir bhee ye likhti hai
Mujhay tum yaad kertay ho tumhain main yaad aati ho

Suno….!
Ab raat Sarhe Dus baje
Phone ki Ghanti nahi Bajti
Lekin ab bhi usi Makhssos waqt per
Samaa’atoon ko intezaar hota hai
Jase achanak,
Phone ki Ghanti Baj Uthe Gi
Or Phone Uthane Per,
Dosri Jaanib Se,
Koi Aahistaa se poche ga
“Soo to nahi gain thin??
Tabiyaat kasi hai??
Or Haan…Dawa Baqaidgi se leti ho na??
Ghar me sab log kase hain??
Pindi ka mosam kasa hai??
Apna Khayal Rakhna’
Acha Phir Kal Baat hogi,
Khuda Hafiz Keh ker
Receiver Rakh de ga.

Yaqeen Ki Akhri Had Tak………!


Yaqeen ki Akhri Had Tak
Yaqeen hai or Daawaa bhi….!
K Rukhsat ker k bhi Aksar,
Nazar ki akhri Had tak………….!
Mujhe wo dekhta hoga
Mager itne yaqeen k baad bhi maine
Kabhi Mur ker nahi Dekha
Bus ik Mubhim sa Dar sa hai
Kahin Aisa na Hojai
Palat Ker me Use Dekhun
To Wapis Ja Chuka ho wo………..!

AYY KHAAMOSH KHALLA kay Maalik Teri QASAM
Bazm-e-Jaha’an mein TUJH say Ziada TANHA hoon…!!!

MAUT bhi zaroori hay ZINDAGI bhi piyari hay
Khawaishoon say juv’ay main Mein nay SHAAM haari hay…!!!

DHALLI JO SHAAM BOHAT MUZTARIB HUVAY ARSHI
KEH MUNTAZIR SAY THAY KUCH LOOG JO SEHER SAY TERE…!!!

Tere mehfil main aj kuch bata k chala jaon ga,
Zaida nahi haal-e-dil suna k chala jaon ga,
Tum ne suna de apni wafa ki dastan,
Ek afsana main bhi suna k chala jaon ga,
Uthay pherta hoon tery ehsano ka boojh,
Aj yeah qarz bhi utar k chala jaon ga,
Tum ne mangi mujh say judai to chalo,
Aj yeah qarz bhi nibha k chala jaon ga,
Mery baad teri raah main jo andhayray hain,
Un k lea ek shaam jala k chala jaon ga!!!!

Suno tum laut aao na

Woh dekho chand nikla hai

Sitarey jagmagaye hain

Hamari muntazir aankhein

Duaein mangti aankhein

Tumhain hi sochti aankhein

Tumhain hi dhondti aankhein

Tumhain wapis bulatin hain

Yeh dil jab bhi dharakta hai

Tumahara naam leta hai

Yeh aansoo jab bhi behtein hain

Tumahrey dukh mein behtein hain

Ke barish jab bhi hoti hai

Tumhe hi yaad kartein hain

Khushi koi jo aayey bhi

Tumharey bin adhori hai

Suno tum laut aao na

Suno tum laut aao na...!!!

Usi Tarah Se Her Ik Zakham Khushnuma Dekhe
Wo aai To Mujhe ab bhi Hara Bhara Dekhe

Guzar Gai hain Buhat Din Rafaqate Shab me
Ab Umr hogai Chehra wo Chand Sa dekhe

Mere Sukoot se jisko rahe Gile Kya Kya
Bicharte Waqt in Ankhoon ka bolna Dekhe

Tere Siwaa bhi kai Rung Khush Nazar the Mager
Jo Tujh ko Dekh Chuka Ho wo or Kya Dekhe???

Bus aik Rait ka zarra Bacha tha Ankhoon me
Abhi Talak Jo Musafior ka Raasta Dekhe

Usi se Pooch koi Dasht ki Rafaqat jo
Jab Aankh khole…Paharoon ka silsila Dekhe

Tujhe Azeez tha Or Maine Usko Jeet Liya
Meri Taraf bhi to ik Pal Tera Khuda Dekhe

Kaha tha na k Is tarah….Sote hoe Mat Chorh Ker Jana
Mujhe Be-shak Jaga Dena,
Bata dena,
Mohabbat k safar me Saath mere chal nahi sakte,
Judaai k Safar me Saath mere chal nahi sakte,
Tumhain Rasta badalna tha??
Meri Had se Niklana tha??
Tumhain Kis baat ka der tha??
Kya Tumhain Jaane Nahi deta??
Kahin per Qaid Ker leta??
Are Pagal………!
Muhabbat ki Tabiyaat me Zabardasti nahi hoti
Jise Rasta badalna ho,
Use rasta Badalne se’
Jise Had se nikalna ho,
Use Had se nikalne se
Na Koi Rok Paya hai,
Na koi rok paega
Tumhain Kis baat ka der tha??
Mujhe Be-shak jaga deti
Bata Deti,
Kam az kam Youn to na hota
Me Tumko dekh hi leta
Tumhe Koi duaa deta
Mere Humdum Haqeeqat hai…..
Tumhaare Baad Khone k liye Kuch bhi nahi Baqi
Mager Khone se derta Hun,
Me Ab sone se Derta Hun
Me Ab………!

Bashar K roop me Ik Dilruba Til'lism Bane
Shafaq Me Dhoop Milain To uska Jism Bane
Wo Moajzaat ki Had tak Pohanch gaya hai Qateel
Me Harf koi bhi likhoon usi ka Ism Bane

Mere Khwaboon k Jharookoon ko Sajane Wali
Tere Khwaboon me kahin mera Guzar hai k nahi??
Pooch Ker Apni Nigahoon se Bata De mujhko
Meri Ratoon k Muqaddar Me Sahar Hai K nahi??

Chaar Din ki ye rafaqat Jo Rafaqat bhi nahi
Umr Bhar k liye Azaar Hoi Jaati hai
Zindagi youn to hamesha se Pareshaan se thi
Ab To Her saans Giraa’N Baar hoi jaati hai

Meri Ujri hoi Nendoon k Shabistaan’on me
Tu kisi Khwaab k Paikar Ki Tarah Aai Hai
Kabhi Apni Si,Kabhi Gair Nazar Aai hai
Kabhi Akhlaas ki Mooorat,Kabhi Harjai hai

Pyaar per bus to nahi hai mera,Lekin phir bhi
Tu Bata de k tujhe pyaar karoon ya na karoon??
Tu ne Khud Apne Tabassun se Jagaya Hai Jinhe
Un Tamannao ka izhaar karoon ya na karoon??

Tu kisi or k Daaman ki kali hai lekin
Meri raatain Teri Khushbu se Basi rehti hain
Tu Kahin bhi ho Tere Phool se Aariz ki Qasam
Teri palkain meri ankhoon pe jhuki rehti hain

Tere Hathoon ki hararat,Teri Sansoon ki Mehak
Tairti rehti hai ehsaas ki pehnaai me
Dhoondhti Rehti Hain Takhayyul Ki Baanhain Tujh ko
Sard Ratoon Ki Sulagti Hoi Tanhai Me

Tera Andaaze karam.aik haqeeqat hai Magar
Ye Haqeeqat bhi…Haqeeqat me fasana hi na ho
Teri Manoos Nigahoon Ka Ye Mohtaat Payam
Dil K khoon kerne ka ik Or Bahana Hi na ho

Kon Jane Mere Amrooz ka fardaa kya hai
Qurbatain Berh k Pashemaaan bhi ho jati hain
Dil k Daman Se lipti Hoi Rangeen Nazrain
Dekhte Dekhte Anjaan bhi ho jati hain

Meri Dar-Mandaa Jawaani ki Tamannaon k
Muzmahil Khwaboon ki Tabeer Bata De Mujhko
Tere Daaman Me Gulistaan bhi Hain,Weerane bhi
Mera Haasil Meri Taqdeer Bata de Mujhko

*~*~*~*Hum Jo Toote To Is Tarah Toote*~*~*~*

Hum jo toote to is tarah toote
Jase hathon se gir k patthar per
Koi shafaaf aaiina toote
Jase palkon se toot'te aansoo
Jase seene main ik kamaan toote
Jase umeed ki nazuk daali
BUrg mosam me Na-Gahaan toote
Jaise aankhon me khwab ki doori
Waqt e takmeel se ulajh jai
Jase pairon tale zameen nikle
Jase sar par yeh asmaan toote
Jase ik shaakh pe bharosa kia
Is pe jitne thay aashiyaan toote
Jase wehshat se hosh aa jaye
Jase ta dair me dheyaan toote
Ab jo raiza howe to sochte hain
Kis nay dekha tha tootna apna
Hum jo toote to raayegaan toote

Kabhi Jaane Pidar….!
Dekha To hoga Tumne Ye Manzar
Kahin per Do Parinde Aashyaan apna banate hain
To Kuch Din Baad Phir wo Aashyaan abaad hota hai
Kai Nau-khaiz bache…Chonch khole…Bazoo’on ko Thar-tharate
Muntazir hote hain Chuge K
Musalsal Toro Thori Dair me
Maa Baap Aaa Aaa ker
Unhe Dete hain Chugaa
Phir jab un k Per nikalte hain
To dono Hosla De Ker
Unhe Urnaa sikhate hain
Kahan ka urna…wo chalte hoe bhi larkhara jana
Zara Per Tolnaa,
Or Phir….
Jhijhak ker beth Jana
Mager Maa Baap ki Paiham Mushaqqat Rung Lati hai
Par-e Parwaaz Khulte hain…….
Par-e Parwaaz Khulte hain To phir ye haal hota hai
Hawaain Gud-Gudaati hain
Fizae-neelgoon Dil Ko lubhaati hai
Fiza me Hum Safeeroon ki sada Aawaaz deti hai
Parre Hum Jolion k Hain
Uraan’ai hain…..Taraane Hain
Unhi Hum Jolion me Phir
Koi Man Mohni si Sorat
Sama Jati hai Dil me..
Phir Wo Dono …. JHUND SE APNE JUDAA HO KER
Kisi Shakh-e Shajar Pe Ashyaan Apna Banate hain
“PARINDOO KO PURAANE AASHYAAN KAB YAAD REHTE HAIN???”
To kya Jaane Pidar……!
Tum Bhi Parinda The????
K Apna Ye Puraana Ashyaana Bhool Bethe ho???
Parindoo ko to ulfat
Aarzi hoti hain Bachoon se
Jawaan hojain To Maa Baap ko Unse Talluq Kuch nahi rehta
Mager Insaaan ko Qudrat Ne Paai Aulaad Wo Jazba Diya hai k
Jo sulagti Aag ki soorat
Dhuwaan deta hi rehta hai
Kabhi Thanda nahi hota
Tumhari Maaa ki ankhoon se
Sulagti Aag Ki Chingariyaan
Ashk-e-Rawaan Bun Ker Tapakti hain
Mager Us Shola-e-Jaan Soz ka koi Sharara bhi
Tumhaare Kharmane Dil Tak Nahi Jaata
Masaail ka Ye Pushtaara….
K Jo Meri Kamar Ko tore deta hai
Tumhe Is ka bhala Ehsaas kase ho??

*~*~*~*Aerogram*~*~*~*(Part-2)

Tumhe Is ka bhala Ehsaas kase ho??
K Tum Apni Subuk Sar Zindagi ki Sar khushi
K Kaif se niklo
To wo Ayyaaam yaad aaain
K Jab Tum Apni Maa ki Go'oad ko Jannat
Or Apne Baap k Kandhoon ko
Hafte Aflaak se Ooncha Samajhte the
Wo Jannat….Aj Weeraan hai
Wo Kandhe…Zindagi k Bojh se Youn Jhuk Gai Jase
Khizaan Deeda Shajar Ki Tehniyaan hun

Haan Suno Bete…..!
Tumhaari Maa ne Kal
Aankhoon me aansoo Rok Ker
Or Kaanpte Hontoon se
Mujh se Ye Kaha tha
K Tum Ab k jo khat likho
To Mere Laal ko likhnaa
K Betaa…..!
“Tera Beta bhi Khudaa Rakhe Siyaana ho to
Tum usko Kahin Pardes ko jaane na dena
Uski Maa k Paas hi Rakhna”

*~*~*~*Maine Jo Geet Tere Pyaar ki Khatir Likhe…..!*~*~*~*


Maine Jo Geet Tere Pyaar ki Khatir Likhe
Aaj Un Geetoon ko Bazaar me le aya hun

Aaj Dukaan pe Neelam Uthe ga Unka
Tu Ne Jin Geetoon pe Rakhi thi Mohabbat Ki Asaas
Aaj Chandi k Tarazu me Tule Gi Her Cheez
Mere Afkaar…Meri Shairi…Mera Ehsaaas

Jo Teri Zaat se Mansoob the un Geetoon ko
Muflisi Jins Banane Per Utar Aai hai
Bhook Tere Rukh-e-Rangeen k Fasanoon k Aaiwuz
Chund Ashyaae Zaroorat ki Tamannai hai

Dekh Is Arsa Gahe Mehnat-o-Sarmaya me
Mere Naghme bhi Mere Pass nahi Reh Sakte
Tere Jalwe Kisi Zardaar ki Meeraas Sahi
Tere Khaake Bhi Mere Pass nahi Reh Sakte

Aaj Un Geetoon ko bazaar me le aya hun
Maine Jo Geet Tere Pyaar Ki Khaatir Likhe

Mujhe Fursat hi Fursat hai
Sawaire Jald Uthna Hai
Na Shab Ko Daair se Sona
Kahin Bahaar nahi jana
Kisi se bhi nahi Milna
Na koi fikar lahaq hai
Na koi Yaad Hai Baqi
Mager ye Akhri Jumla
Zara Sa Jhoth lagta hai

Log Aurat ko Faqat Jism Samajh Lete hain
Rooh bhi hoti hai Usme Ye Kahaan Sochte hain??

Rooh kya hoti hai us se unhe Matlab hi nahi
Wo to bus Tan K Taqazoon ka kaha mante hain
Rooh Mer jai To ye jism hai chalti hoi Laash
Is Haqeeqat Ko samajhte hain na Pehchante hain

Kitni sadyoon se ye Wehshat Ka Chalan Jaari hai
Kitni Sadyoon se hai Qaim Ye Gunahoon ka riwaaj
Log Aurat ki her ik Cheenkh ko Naghma Samjhe
Wo Qabeelon ka zamana ho K shehroon ka riwaaj

Jabar se Nasl Barhe,Zulm se Tan Mail karain
Ye amal Hum Me hain…Be-Ilm Parindoo me nahi
Hum jo Insaan ki Tehzeeb liye phirte hain
Hum sa wehshi koi jungle k Darindoo me nahi

Ik Bujhi Rooh…Lute Jism K dhaanche k liye
Sochti hun me kahan Jaa k Muqaddar Phoroon
Me na zinda hun …. k Marne ka sahara Dhundoon
Or na Zinda hoon k….Dunya k Ghamoon se Choto’on

Kon Batlai Ga mujhe Kis se Ja Ker Poch’hoon??
Zindagi Qehar k Sanchoon me Dhale Gi Kab tak??
Kab talak Aankh Na khole ka Zamane ka zameer??
Zulm Or Jabar Ki ye Reet chale gi Kab Tak??

Log Aurat Ko Faqat Jiosm Samajh Lete hain

*~*~*~*Kisi Ko UdaaS Dekh Ker*~*~*~*(Part-1)

Tumhain Udaas si pata hun me Kai Din se
Najane Kon se Sadme Utha Rahi ho Tum
Wo shokhiaan…Wo Tabassum…Wo Qehqahai na rahe
Her aik Cheez ko Hasrat se Dekhti ho tum
Chupa Chupa K Khamoshi Me Apni Be-Chaini
Khud apne raaz ki tash’heer bun gai ho tum
Meri umeed Agar Mit Gai To Mitne Do
Umeed kya hai bus ik Paish-o-pus hai kuch bhi nahi
Meri hayaat ki Ghum-giniyoon ka ghum na karo
Ghame Hayat……Ghame Yak Nafas hai kuch bhi nahi
Tum Apne Husun Ki Raanayo’on pe reham karo
Wafa Fareb hai….Toole Hawas hai kuch bhi nahi
Mujhe Tumhaare Tagaful se kyun Shikayat ho
Meri Fana Mere Ehsaas ka Taqaza hai
Me Janta hun k Dunya ka Khauf hai Tumko
Mujhe Khabar Hai ye Dunya Ajeeb Dunya hai
Yahan Hayaat k Parde me Maut Palti hai
Shakiste Saaaz ki awaaz…..Rooh-e-Naghma hai

…………………….

Mujhe tumhari Judai ka koi Runj nahi
Mere khyaal ki dunya me mere pass ho tum
Ye tumne Theek kaha hai Tumhe Mila Na Karoon
Mager mujhe ye to bata do k kyun udaas ho tum??
Khafa Na Hona Meri Jur’rate Takhatib Per
Tumhe Khabar hai…Meri Zindagi ki aas ho tum

*~*~*~*Kisi Ko UdaaS Dekh Ker*~*~*~*(Part-2)

Mera to kuch bhi nahi hai..Me Ro k jee loon ga
Mager Khuda k liye Tum Aseere Ghum na Raho
Hoa hi kya..Jo zamane ne tumko Cheen liya
Yahan Pe kon hoa hai kisi ka socho to
Me Apni rooh ki her ik khushi mitaa loon ga
Mager Tumhaari Musarrat Mita Nahi Sakta
Me Khud ko Maut k Hathoon me Soonp Sakta hun
Mager ye Baare Masaib Uthna Nahi Sakta

……………………

Tumhaare Ghum k Siwaa or bhi to ghum hain Mujhe
Nijaat Jin se me Ik Lehzaa pa na nahi sakta
Ye Oonche onche Makanoon ki Daiv’rhiyoon k tale
Her aik Gaam pe Bhooke Bhikariyoon ki Sada
Her Aik Ghar me hai Aflaas or bhook ka shor
Her aik simt ye insaniyat ki Aah-o-Baka
Ye Kar-khanoon me Lohe ka Shor-o-ghul jisme
Hai Dafan Lakhoon Gareebon ki rooh ka naghma
Ye Shahrahoon pe Rangeen Saarhyoon ki jhalak
Ye Jhonproon me Ghareebon k bekafan laashe
Ye Mall Road me Car’oon ki rail Pail ka shoor
Ye Patriyoon pe Ghareboon k Zard Roo Bache
Gali Gali Me Ye Bikte Hoe Jawaan Chehre
Haseen ankhoon me afsurdigi si Chaai hoi
Ye Jung or mere Watan k ye Shokh Jawaan
Khareedi jaati hai,Uthti jawaniyaan jin ki
Ye Baat baat pe Qanoon o Zabte ki girift
Ye zillatain,Ye Ghulaami,Ye Daure Majboori

Buhat Hain Zakham Meri Zindagi Mitane ko
Udaas Reh k mere dil ko Or Runj na do

*~*~*~*Ehaad Nibhane ki khatir Mat Aana*~*~*~*

Suno.....!
Ehaad Nibhane ki khatir Mat Aana
Ehaad Nibhane wale aksar....
Majboori Ya
Mahjoori ki Thakan se Lota Kerte hain
Tum Jao...
Or Darya Darya Pyas Bujhao
Jin Ankhoon me bhi Utro
Jis Dil me Bhi samao
Meri Talab Awaaz Na degi
Per Jab Meri Chahat ki Lau
Itni Taiz Or Itni Oonchi Hojai
Jab Dil Ro de.....
Tab Lot Aana

Ajab hain khanmaa barbadiyaan is dil ki k ab
Koi aaye bhi to jaane ka gumaan hota hai

nice usama

khas ker hum jo tootay tou iss tarhan tootay

maza aagaya hay perh ker