Zikr-e-shab-e-firaaq se vahashat use bhi thi
meri tarah kisii se muhabbat use bhi thi
mujh ko bhi shauq thaa naye cheharo.n ki deed ka
rastaa badal ke chalane ki aadat use bhi thi
us raat der tak vo rahaa mahv-e-guftaguu
masruf mai.n bhi kam thaa faraaGat use bhi thi
sunataa thaa vo bhii sab se puraani kahaaniyaa.N
taazaa rafaaqato.n ki zaruurat use bhi thi
mujh se bichhar ke shahar men ghul mil gayaa vo shaKhs
haalaake shahar bhar se adawat use bhi thi
vo mujh se barh ke zabt kaa aadi thaa ji gayaa
varnaa har ek saans qayaamat use bhii thii
Mohsin Naqve