sheroz's liked ones

Subject: sheroz's liked ones Mon Mar 16, 2009 1:46 am

here is the poetry which i like

Poetry Contest Winner Number of posts : 9384 Age : 114

poetry kahan hay bro nazar nahe aa rahe hay ???

Subject: Re: sheroz's liked ones Mon Mar 16, 2009 2:43 am

bhai je ab os k meanings tu likh lon , ta k yar logon ko samajh aye. Smile

Poetry Contest Winner Number of posts : 9384 Age : 114

lolzzz ok sure do it no worries

main ddaikh raha hoon is topic koo agar ziada diff huway tou will tell u

sab kay meaning naa likho yara woh poetry kam rather explaianation ziada lkagay gee naa

so post it as u have Smile

Subject: Re: sheroz's liked ones Mon Mar 16, 2009 2:54 am

one of my fav.

by Ghalib The Poet

1. dil-e-naadaaN tujhe huaa kya hai ?
aaKHir is dard kee dawa kya hai

2. ham haiN mushtaaq aur woh bezaar
ya ilaahee ! yeh maajra kya hai ?

[ mushtaaq = interested, bezaar = displeased/sick of ]

3. maiN bhee muNh meiN zabaan rakhta hooN
kaash ! poocho ki "muddaa kya hai" ?

4. jab ki tujh bin naheeN koee maujood
fir ye hangaama, 'ei KHuda ! kya hai

5. ye paree chehara log kaise haiN ?
GHamza-o-ishwa-o-'adaa kya hai ?

[ paree chehara = angel faced, GHamza = amorous glance,
ishwa = coquetry ]

6. shikan-e-zulf-e-ambaree kyoN hai ?
nigah-e-chashm-e-soorma sa kya hai ?

[ shikan = wrinkel/fold, ambaree = fragrance, chashm = eye ]

7. sabja-o-gul kahaaN se aaye haiN ?
abr kya cheez hai, hawa kya hai ?

[ abr = clouds ]

8. hamko unse wafa ki hai ummeed
jo naheeN jaante wafa kya hai

9. "haaN bhala kar tera bhala hoga"
aur darvesh kee sada kya hai ?

[ darvesh = beggar, sada = voice ]

10. jaan tum par nisaar karta hooN
maiN naheeN jaanata duaa kya hai

11. maiNe maana ki kuchch naheeN 'GHalib'
muft haath aaye to bura kya hai ?

Subject: Re: sheroz's liked ones Mon Mar 16, 2009 2:57 am

i like it too

1. aa, ki meree jaan ko qaraar naheeN hai
taaqat-e-bedaad-e-intazaar naheeN hai

[ qaraar = rest/repose, bedaad = injustice ]

2. dete haiN jannat hayaat-e-dahar ke badle
nashsha ba_andaaza-e-KHummaar naheeN hai

[ hayaat = life, dahar = world, ba_andaaza = according to,
KHummaar = intoxication ]

3. giriya nikaale hai teree bazm se mujh ko
haay ! ki roone pe iKHtiyaar naheeN hai

[ giriya = weeping, iKHtiyaar = control ]

4. hamse 'abas hai gumaan-e-ranjish-e-KHaatir
KHaak meiN ushshaaq kee GHubaar naheeN hai

[ 'abas = indifferent, gumaan = suspicion, ranjish = unpleasantness,
KHaak = ashes/dust, ushshaaq = lovers, GHubaar = clouds of dust ]

5. dil se uThaa lutf-e-jalva haay ma'anee
GHair-e-gul aainaa-e-bahaar naheeN hai

[ ma'anee = meanings, GHair-e-gul = blossoms ]

6. qatl ka mere kiya hai 'ahad to baare
waae ! akhar 'ahad ustuwaar naheeN hai

[ 'ahad = promise, baare = at last, ustuwaar = frim/determined ]

7. toone qasam mai_kashee kee khaaee hai 'GHalib'
teree qasam ka kuchch 'eitbaar naheeN hai !

[ mai_kashee = boozing, 'eitbaar = trust/faith ]

Poetry Contest Winner Number of posts : 9384 Age : 114

hmm

hmmmm

hmmmmm Smile

Subject: Re: sheroz's liked ones Mon Mar 16, 2009 3:06 am

ab kuch samajh aie???? Wink

Subject: Re: sheroz's liked ones Tue Mar 17, 2009 12:48 am

Ye na thee hamaree qismat
ghalib

1. Ye na thee hamaree qismat ke wisaal-e-yaar hota
it was not in my fate to meet my lover

agar aur jeete rehte yahee intezaar hota
had I lived longer, this would still be my only desire

2. Tere waade par jiye ham to ye jaan jhoot jaanaa
to live on your promise is to make my life a lie

ke khushee se mar na jaate agar ‘eitabaar hota
would I not have died of happiness if i trusted it

3. Teree naazukee se jaana ke bandha tha ‘ehed_booda
from your frailty I learnt that the promise was delicate

kabhee too na tor sakta agar oostuwaar hota
it would not stand broken had you been determined

4. koee mere dil se pooche tere teer-e-neemkash ko
someone ask me about your half-drawn arrow

ye khalish kahaan se hotee jo jigar ke paar hota
would i even feel this pain if it had pierced my heart

5. ye kahaan ki dostee hai ke bane hain dost naaseh
what kind of friendship is this, that friends are now advisers

koee chaarasaaz hota, koee ghamgusaar hota
someone should ease my pain, someone sympathize with me

6. rag-e-sang se tapakta wo lahoo ki phir na thamta
from every nerve drips blood without restraint

jise gham samajh rahe ho, ye agar sharaar hota
as if that which you think is anguish is but a spark

7. gham agarche jaan_gulis hai, per kahaan bachain ke dil hai
threatening as love is, there is no deliverance from the heart

gham-e-ishq gar na hota, gham-e-rozgaar hota
if not the torment of love, it would be the torment of life

8. kahoon kis se main ke kya hai, shab-e-gham buree bala hai
whom shall I narrate the pangs of these evenings of sorrow

mujhe kya bura tha marna agar ek baar hota
i would have not resented this death, had it come only once

9. hue mar ke ham jo ruswa, hue kyon na gharq-e-dariya
that I died and was disgraced, why was I not just drowned

na kabhee janaaza uthata, na kaheen mazaar hota
never was there a funeral, no where was a tomb erected

10. usay kaun dekh sakta ke yagaana hai wo yaktaa
who can see him since his Oneness is without peer

jo dooee ki boo bhee hotee to kaheen do chaar hota
even the scent of his duality would be an introduction

11. ye masaail-e-tasawwuf, ye tera bayaan ‘Ghalib’!
this mysticism, these statements of yours Ghalib

tujhe ham walee samajhate, jo na baada_khwaar hota
you would be a saint, if only you were not inebriated

Subject: Re: sheroz's liked ones Tue Mar 17, 2009 12:52 am

one of my fav.

har ek baat pe kehte ho
tum ke ‘too kya hai’ ?
tumheeN kaho ke yeh andaaz-e-guftgoo kya hai ?

na shole meiN yeh karishma na barq meiN yeh ada
koee batao ki woh shoKH-e-tund_KHoo kya hai ?

yeh rashk hai ki wo hota hai ham_suKHan tumse
wagarna KHauf-e-bad_aamozi-e-adoo kya hai ?

chipak raha hai badan par lahoo se pairaahan
hamaaree jeb ko ab haajat-e-rafoo kya hai ?

jalaa hai jicm jahaaN dil bhee jal gaya hoga
kuredate ho jo ab raakh, justjoo kya hai ?

ragoN meiN dauDte firne ke ham naheeN qaayal
jab aaNkh hee se na Tapka to fir lahoo kya hai ?

woh cheez jiske liye hamko ho bahisht azeez
siwaay baada-e-gul_faam-e-mushkaboo kya hai ?

piyooN sharaab agar KHum bhee dekh looN do chaar
yeh sheesha-o-qadah-o-kooza-o-suboo kya hai ?

rahee na taaqat-e-guftaar, aur agar ho bhee
to kis ummeed pe kahiye ke aarzoo kya hai ?

huaa hai shaah ka musaahib, fire hai itaraata
wagarna shehar meiN ‘GHalib’ kee aabroo kya hai ?

Poetry Contest Winner Number of posts : 9384 Age : 114

gud jee kee baat hay

yara itni bhe translation naa kerooo

thora bohat tou loog samjhtay hain urdu koo Razz

jo words bohat hee diff hon gay just un ko translate keroo

aisay tou beauty of the posts hee nahe rahay gee Smile

Subject: Re: sheroz's liked ones Tue Mar 17, 2009 12:58 am

i like it too.

1. meharbaaN ho ke bulaa lo mujhe chaaho jis waqt
maiN gayaa waqt nahiN hooN ke phir aa bhi na sakooN

2. zauf meiN taanaa-e-aGHyaar ka shikwaa kyaa hai?
baat kuchh sar to nahiN hai ke uThaa bhi na sakooN

[ zauf = weakness, taana = taunt, aGHayaar = enemy,
shikawa = complaint ]

3. zahar miltaa hi nahiN mujhko sitam_gar warnaa
kyaa qasam hai tere milne ki ke khaa bhi na sakooN

[ sitamgar = oppressor ]

Subject: Re: sheroz's liked ones Tue Mar 17, 2009 1:00 am

ok bhai je.

sach pocho tu jo beauty diificult ki hoti hay wo asan mein nai hay. Wink

any way i will not let you make any complain again Wink

Subject: Re: sheroz's liked ones Tue Mar 17, 2009 7:21 pm

wah bhai tusi ghailb k dewanay niklay lol!

hamain nahi pata tha hawa he nahi lagnay di lol!

waisay achi collection hai study

Subject: Re: sheroz's liked ones Wed Mar 18, 2009 3:05 am

thanks bibi Smile

Subject: Re: sheroz's liked ones Wed Mar 18, 2009 3:24 am

na tha kuchch to KHuda tha, kuchch na hota to KHuda hota
duboya mujhko hone ne, na hota maiN to kya hota ?

huaa jab GHam se yooN behis to GHam kya sar ke kaTne ka
na hota gar juda tan se to zaanooN par dhaRa hota

huee muddat ke ‘GHalib’ mar gaya par yaad aata hai
wo har ek baat pe kehana, ke yooN hota to kya hota ?

Subject: Re: sheroz's liked ones Wed Mar 18, 2009 3:37 am

aah ko chaahiye ik 'umer asar hone tak
kaun jeeta hai teree zulf ke sar hone tak ?

aashiqee sabr talab aur tamanna betaab
dil ka kya rang karooN KHoon-e-jigar hone tak ?

ham ne maana ke taGHaful na karoge, lekin
KHaak ho jaayeNge ham tumko KHabar hone tak

partav-e-khur se hai shabnam ko fana'a ki taaleem
maiN bhee hooN ik inaayat ki nazar hone tak

yak_nazar besh naheeN fursat-e-hastee GHaafil
garmi-e-bazm hai ik raqs-e-sharar hone tak

GHam-e-hastee ka 'Asad' kis'se ho juz marg ilaaz
shamma'a har rang meiN jaltee hai sahar hone tak

Subject: Re: sheroz's liked ones Thu Mar 19, 2009 7:04 am

a ghazal by

Momin Khan Momin

wo jo ham main tum main qarar tha tumhen yad ho k na yad ho
wahi yani wada nibah k tumhen yad ho k na yad ho

wo naye gile wo shikayaten wo maze maze ki hikayaten
wo har ek bat pe ruthna tumhen yad ho k na yad ho

koi bat aisi agar hui jo tumhare ji ko buri lagi
to bayan se pahle hi bhulna tumhen yad ho k na yad ho

suno zikr hai kai sal ka, koi wada mujh se tha ap ka
wo nibahane ka to zikr kya, tumhen yad ho k na yad ho

kabhi ham main tum main bhi chah thi, kabhi ham se tum se bhi rah thi
kabhi ham bhi tum bhi the ashna, tumhen yad ho k na yad ho

hue itefaq se gar baham, wo wafa jatane ko dam-ba-dam
gila-e-malamat-e-arqaba, tumhen yad ho k na yad ho

wo jo lutf mujh pe the beshtar, wo karam k hath mere hath par
mujhe sab hain yad zara zara, tumhen yad no k na yad ho

kabhi baithe sab hain jo ru-ba-ru to isharaton hi se guftagu
wo bayan shauq ka barmala tumhen yad ho k na yad ho

wo bigarna wasl ki rat ka, wo na manana kisi bat ka
wo nahin nahin ki har an ada, tumhen yad ho ki na yad ho

jise ap ginte the ashna jise ap kahte the bawafa
main wahi hun "Momin"-e-mubtala tumhen yad ho k na yad ho

Subject: Re: sheroz's liked ones Thu Mar 19, 2009 7:08 am

by momin

asar usko zara nahin hota
ranj rahat faza nahin hota

tum hamare kisi tarah na hue
warna duniya main kya nahin hota

narasai se dam ruk to ruk
main kisi se khafa nahin hota

tum mere pas hote ho goya
jab koi dusra nahin hota

hal-e-dil yar ko likhun kyon kar
hath dil se juda nahin hota

kyon sune arz-e-muztarib ae 'Momin'
sanam akhir Khuda nahin hota

Subject: Re: sheroz's liked ones Thu Mar 19, 2009 7:22 am

a ghazal by

Allama Iqbal
The Poet Of The East

tere ishq ki intaha chahta hun
meri sadgi dekh kya chahta hun

sitam ho k ho wada-e-behijabi
koi bat sabr-azma chahta hun

ye jannat mubarak rahe zahidon ko
k main ap ka samna chahta hun

koi dam ka mehman hun ai ahl-e-mahfil
chirag-e-sahar hun, bujha chahta hun

bhari bazm mein raz ki bat kah di
bara be-adab hun, saza chahta hun

Subject: Re: sheroz's liked ones Thu Mar 19, 2009 7:27 am

This ghazal is also one of my fav.

by Allama Iqbal

kabhi ai haqiqat-e-muntazir nazar a libas-e-majaz mein
k hazaron sajde tarap rahe hain teri jabin-e-niyaz mein

tarab ashna-e-kharosh ho tu nawa hai mahram-e-gosh ho
wo surur kya k chaya hua ho sukut-e-parda-o-saz mein

tu bacha bacha k na rakh ise tera aina hai wo aina
k shikasta ho to aziz tar hai nigah-e-aina-saz mein

dam-e-tauf kar mak-e-shamma na ye kaha ke wo asr-e-kohan
na teri hikayat-e-soz mein na meri hadis-e-gudaz mein

na kahin jahan mein aman mili jo aman mili to kahan mili
mere jurm-e-khanakharab ko tere azo-e-banda-nawaz mein

na wo ishq mein rahin garmiyan na wo husn mein rahin shokhiyan
na wo gaznawi mein tarap rahi na wo kham hai zulf-e-ayaz mein

jo main sar-ba-sajda kabhi hua to zamin se ane lagi sada
tera dil to hai sanam-ashana tujhe kya milega namaz mein

Subject: Re: sheroz's liked ones Thu Mar 19, 2009 7:42 am

kuch chull-bulli ghazalein by Ibn-e-Insha

kal chaudhwin ki rat thi shab bhar raha charcha tera
kuch ne kaha ye chand hai kuch ne kaha chehra tera

ham bhi wahin maujud the ham se bhi sab pucha kiye
ham hans diye ham chup rahe manzur tha parda tera

is sheahr mein kis se milen ham se to chuti mahfilen
har shakhs tera nam le har shakhs diwana tera

kuche ko tere chor kar jogi hi ban jayen magar
jangal tere parbat tere basti teri sehra tera

ham aur rasm-e-bandagi ashuftagi uftadagi
ehsan hai kya kya tera ai husn-e-beparwa tera

do ashk jane kis liye palkon pe a kar tik gaye
altaf ki barish teri ikram ka darya tera

ai bedarg-o-beaman ham ne kabhi ki hai fugan
ham ko teri wahshat sahi ham ko sahi sauda tera

tu bewafa tu mahraban ham aur tujh se bad-guman
ham ne to pucha tha zara ye waqt kyun thehra tera

ham par ye sakhti ki nazar ham hain faqir-e-rahguzar
rasta kabhi roka tera daman kabhi thama tera

han han teri surat hasin lekin tu aisa bhi nahin
is shakhs k ashar se shohra hua kya kya tera

beshak usi ka dosh hai kahta nahin khamosh hai
tu ap kar aisi dawa bimar ho acha tera

bedard sunani ho to chal kahta hai kya achhi gazal
ashiq tera ruswa tera shayar tera "Insha" tera

Subject: Re: sheroz's liked ones Thu Mar 19, 2009 7:47 am

ibn-e-insha

ham un se agar mil baithte hain kya dosh hamara hota hai
kuch apni jasarat hoti hai kuch un ka ishara hota hai

katne lagin raten ankhon main dekha nahin palakon pe aksar
kabhi sham-e-gariban ka jugnu kabhi subah ka tara hota hai

ham dil ko liye har des phire is jins ka gahak mil na saka
ai banjaro ham log chale ham ko to khasara hota hai

ham apni zaban se kuch bhi kahen shayar hai khayalon se khelen
a jao to baham mil baithe kabhi hijr bhi pyara hota hai

daftar se uthe kaife main gaye kuch sher kahe kuch kafi pi
pucha jo muash ka "Inshaji" yun apna guzara hota hai

Subject: Re: sheroz's liked ones Thu Mar 19, 2009 7:54 am

by Parveen Shakir

wo to khushbu hai hawaon main bikhar jayega
masla phul ka hai phul kidhar jayega

ham to samjhe the k ek zakhm hai bhar jayega
kya khabar thi k rag-e-jan main utar jayega

wo hawaon ki tarah khanabajan phirta hai
ek jhonka hai jo ayega guzar jayega

wo jab ayega to phir us ki rafaqat k liye
mausam-e-gul mere angan main thahar jayega

akhir wo bhi kahin ret pe baithi hogi
tera ye pyar bhi dariya hai utar jaye ga!!!

Subject: Re: sheroz's liked ones Thu Mar 19, 2009 7:56 am

also one of my fav
by
Parveen Shakir

ku-ba-ku phail gai bat shanasai ki
us ne khushbu ki tarah meri pazirai ki

kaise kah dun k mujhe chor diya hai us ne
bat to sach hai magar bat hai ruswai ki

wo kahin bhi gaya lauta to mere pas aya
bas yahi bat hai achi mere harjai ki

tera pahlu tere dil ki tarah abad rahe
tujh pe guzre na qayamat shab-e-tanhai ki

us ne jalti hui peshani pe jo hath rakha
ruh tak a gai tasir masihai ki!!!!!!!!!!!!!!