|
|
| Author |
Message |
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
 Subject: umer collection Fri Mar 13, 2009 2:17 am |
|
|
First topic message reminder :So Baar chaman mehka, So Baar bahaar aae, Duniya ki wohi ronak dil ki wohi tanhaie, ye raat ki khamoshi,ye aalm-e-tanhaie, phir dard utha dil may phir yaad teri aae, is aalm-e-veeran may kya khoob anjuman aarae, do roz ki mehfil hai ek umar ki tanhae, her dard-e-mohabbat se uljha hai gham-e-hasti, kya kya hamen yaad aaya jab yaad teri aae...
|
|
|
|
Lycan
3000 Posts n u r a V.I.P member
Number of posts : 2921
|
| Subject: Re: umer collection Tue Mar 24, 2009 7:42 am |
|
|
Main bhuul jaauun ab yahii munaasib hai
magar bhuulanaa bhii chaahuun to kis tarah bhuuluun
ki tum to phir bhii haqiiqat ho koi khvaab nahiin
yahaan to dil kaa ye aalam hai kyaa kahuun
kamabakht
bhulaa sakaa na ye silasilaa jo thaa hii nahin
vo ek khayaal jo aavaaz tak gayaa hii
nahin
vo ek baat jo main kah nahin sakaa tum se
vo ek rabt jo ham men kabhii rahaa hii nahin
mujhe hai yaad vo sab jo kabhii huaa hii nahin
agar ye haal hai dil kaa to koi samajhaae tumhen bhulaanaa bhii chaahuun to kis tarah bhuuluun
ki tum to phir bhii haqiiqat ho koi khvaab nahin
|
|
|
|
|
Lycan
3000 Posts n u r a V.I.P member
Number of posts : 2921
|
| Subject: Re: umer collection Tue Mar 24, 2009 7:48 am |
|
|
Jaate jaate vo mujhe achchhii nishaanii de gayaa
umr bhar doharaauun gaa aisii kahanii de gayaa
us se main kuchh paa sakuun aisii kahaan ummiid thi
gam bhii vo shaayad baraa-e-meharabaanii de gayaa
sab havaayen le gayaa mere samandar ki koi
aur mujh ko ek karatii baadabaanii de gayaa
khair mai.n pyaasaa rahaa par us ne itanaa to kiyaa
merii palakon kii kataaron ko vo paanii de gayaa
|
|
|
|
|
Lycan
3000 Posts n u r a V.I.P member
Number of posts : 2921
|
| Subject: Re: umer collection Tue Mar 24, 2009 8:00 am |
|
|
Yahi haalaat ibtadaa se rahe
log hamase khafaa
khafaa se rahe
bevafaa tum kabhi na the lekin
ye bhi sach hai ki bevafaa se rahe
in chiraagon men teil hii kam thaa
kyon gilaa phir hamen havaa se rahe
bahas, shatranj sher mausiqi
tum nahiin rahe to ye dilaase rahe
usake bandon ko dekhakar kahiye
hamako ummid kyaa khudaa se rahe
zindagi ki sharaab maangate ho
ham ko dekho ki pi ke pyaase rahe
|
|
|
|
|
Lycan
3000 Posts n u r a V.I.P member
Number of posts : 2921
|
| Subject: Re: umer collection Tue Mar 24, 2009 8:03 am |
|
|
Tumko dekhaa to ye khayaal aayaa
zindagii dhuup tum ghanaa saayaa
aaj phir dil ne ek tamannaa kii
aaj phir dil ko hamane samajhaayaa
tum chale jaaoge to sochenge
hamane kyaa khoyaa, hamane kyaa paayaa
ham jise gunagunaa nahin sakate
vaqt ne aisaa geet kyuun gaayaa
|
|
|
|
|
Lycan
3000 Posts n u r a V.I.P member
Number of posts : 2921
|
| Subject: Re: umer collection Tue Mar 24, 2009 8:06 am |
|
|
Mere Qatil Ko Pukaro Kay Main Zinda Hoon Abhi
Phir Say Maqtal Ko Sanwaro Kay Main Zinda Hoon Abhi
Yeh Shab-e-Hijar To Sathi Hai Meri Barsoon Say
Jayo So Jayo Sitaro Kay Main Zinda Hoon Abhi
Yeh Praishan Say Gaisu Daikhay Nahi Jatay
Apni Zulfun Ko Sanwaro Kay Main Zinda Hoon Abhi
Lakh Moujoun Main Ghira Hun, Abi Dooba Tow Nahi
Mujh Ko Sahil Say Pukaro Kay Main Zinda Hoon Abhi
Qabr Say Aaj Bhi 'Mohsin' Ki Aati Hai Sada
Tum Kahan Ho Meray Yaroo Kay Main Zinda Hoon Abhi
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Tue Mar 24, 2009 8:09 am |
|
|
Meri Bhi
Zeest Ka Chehra Nikhar Gaya Hota
Mera Bhi Kaash Muqadder Sanwar Gaya Hota
Mein Khaar Hoon To Terey Daman Se Lipta Hoon
Mein Phool Hota To Kab Ka Bikhar Gaya Hota
Jo Waqt Mujh Pe Guzarta Hai Subha Se Shaam Tak
Tujhey Sunata To Chehra Utar Gaya Hota !
Be Hissi Dekh Ker Mein Sochta Hoon Duniya Ki
Ke Kaash Mera Bhi Ahsaas Mar Gaya
Hota !
Merey Salook Pe Khamoosh Reh Ke Tor Gaya
Woh Mujh Pe Koi To ILzaam Dhar Gaya
Hota
Najaney Kitni Hi Aankhain Hain Muntazir Teri !
Kabhi To Lout Ker Ae Dost Ghar Gaya Hota
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Tue Mar 24, 2009 8:16 am |
|
|
Pathar he sahi, raah mein hayal tu rahoon ga
Kuch dair taira mud'e muqabal tu rahoon ga
Jab tuk tairi bakhshish ka bahram khul nahi jata
Aye mairay sakhee, mein taira sayaal tu rahoon ga
Iss wastay zinda hoon sar maqtal e yaraan
Wabasta e kam zarfi e qatal tu rahoon ga
aye taiz hawa maira dhowaan daikh kay jana
Bujh kar bhi nishaan e rah e manzil tu rahoon ga..!
Dushman he sahi naam tu lay ga maira tu bhi
Youn mein tairi awaaz mein shamil tu rahoon ga
Jab tum mein baghawat na karoon jabar o sitam say
Zindaan mein hoon paband e salasal tu rahoon ga
Mohsin Zad e ada say agar mar bhi gaya mein
Mayaar e tameez e haq o batil tu rahoon ga!.
|
|
|
|
|
shanu
Poetry Contest Winner
Number of posts : 9384
Age : 114
|
| Subject: Re: umer collection Tue Mar 24, 2009 10:39 am |
|
|
nice work bachay keep it up 
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Wed Mar 25, 2009 1:26 am |
|
|
hai duaa yaad mager harf-e-duaa yaad naheen merey naghmaat ko andaz-e-nawaa yaad naheen hum ne jin ke liye rahoon main bichaya tha lahoo hum se kehtey hain wohi ehd-e-wafa yaad naheen zindagee jabr-e-musalsal ki terha kaati hai janey kis jurm ki pai hai saza yaad naheen main ne palkoon se der-e-yaar peh dastak di hai main woh saa-il hoon jisey koi sadaa yaad naheen kaisey bher aain ser-e-shaam kisi ki aankhain kaisey theraaii charaghoon ki zayaa yaad naheen sirf dhundlaye sitaroon ki chamak daikhee hai kab hua kon hua mujh se khafa yaad naheen aaoo ik sajdah kerain alam-e-madhooshi main log kehtey hain keh sagher ko khuda yaad naheen
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Wed Mar 25, 2009 1:28 am |
|
|
main talkhi e hayaat se ghabra k pee gaya gham ki sayaah raat se ghabra k pee gaya itni daqeeq shai_ koi kaisay samajh sakay yazdaan k waqiyaat se ghabra k pee gaya chalkay huwe thay jaam parehsaan thi zulf e yaar kuch aisay hadsaat se ghabra k pee gaya main aadmi huun koi farishta nahin hazoor main aaj apni zaat se ghabra k pee gaya duniya e hadsaat hai ik dard naak geet duniya e hadsaat se ghabra k pee gaya kaante to khair kante hain un se gila hi kia phoolon ki wardaat se ghabra k pee gaya saghar woh keh rahay thay k pee lijiye hazooor un ki guzarishaat se ghabra k pee gaya
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Wed Mar 25, 2009 1:30 am |
|
|
in bahaaron pe gulistaan pe hansi aayee hai dil k her daagh e firozaan pe hansi aayee hai aaj phir jaam tahi aur ghata uthi hai aaj phir rehmat e yazdaan pe hansi aayee hai meri bheegi huwi palkon ki chamma cham pe na ja tere tootay huwe paimaan pe hansi aayee hai jab koi bichra huwa dost mila hai koi mujh ko ikhlaas e azeezan pe hansi aaye hai mujh ko ik zeher ka challakta huwa saghar day do mujh ko is daur k insaan pe hansi aayee hai
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Wed Mar 25, 2009 1:32 am |
|
|
Ab jo bichray hain to ehsaas hua hai hum ko Dard kya hota hai tanhai kisay kehtay hain Char su gunjti ruswai kisay kehtay hain Ab jo bichray hain to ehsaas hua hai hum ko Koi lamha ho teri yaad mai kho jatay hain Ab to khud ko bhe muyassar nahi aaa patay hain Raat ho din ho tere pyar mai hum behtay hain Dard kya hota hai tanhai kisay kehtay hain Ab jo bichray hain to ehsaas hua hai hum ko Woh jo ghum aye usay dil pay saha kertey thay aik saath hum mil ker raha kertey thay Ab akelay he zamanay ke sitam sehtay hain Dard kya hota hai tanhai kisay kehtay hain Ab Jo bichray to ehsaas hua hai hum ko Hum Nay khud apni raahon mai bichaye kantay Gher mai phoolon ke jagah la ker sajaye kantay Zakham iss dil mai basaye howe khud rehtay hain Yun toh duniya ki har cheez haseen hoti hai Pyar say maghar kuch bhe nahi hoti hai Rastah rok kay har aik say yehi kehtay hain Ab jo bichray hain toh ehsaas hua hai hum ko Dard kya hotah hai tanhai kisay kehtay hain Char so gunjti ruswai kisay kehtay hain Ab jo bichray to ehsaas hua hai hum ko
|
|
|
|
|
shanu
Poetry Contest Winner
Number of posts : 9384
Age : 114
|
| Subject: Re: umer collection Wed Mar 25, 2009 2:59 am |
|
|
nice nice keep it up
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Wed Mar 25, 2009 8:06 am |
|
|
Dost ban kar bhi nahi saath nibhane wala.
Wahi andaz hai Zalim ka zamane wala.
Ab ise Log hain Griftaar mera.
Sakht Nadim hai mujhe dam main lane wala.
kya kahin kitne mrasam the hamare is me.
Wo jo aek shakhs hai moon pher ke jane wala.
Tere hote howe aa jati thi Dunya sari.
Aaj TANHA hoon to koi nahi aane wala.
Muntazir kis ka hoon Toti howi Dehleez pe main.
Kon aaye ga yahan, Kon hai aane wala.
Main ne dekha hai Baharon mai chaman ko jalte.
Hai koi Khowab ki tabeer batane wala.
Kya Khabar thi jo meri jaan main ghula hai itna.
Hai wahi mujh ko sardar bhi Lane wala.
Tum takluf ko bhi Ikhlaas samjhte ho "FARAZ"
DOST hota nahi har haath milane wala.
Last edited by umer malik on Thu Apr 09, 2009 7:14 am; edited 1 time in total
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Wed Mar 25, 2009 8:18 am |
|
|
Dil Toh Kehta Hai Zamane Se Chupaloon Tumko
Dil Ki Dharkan Ki Tarhan Dil Mein Basaloon Tumko
Koi Ehsas Judai Ka Na Rehne Paye
Is Tarhan Khud Mein Meri Jaan Basaloon Tumko
Tu Jo Roothe Kabhi Mujhse Mere Dil Ke Maalik
Sari Dunya Se Khafa Hoker Manaloon Tumko
Jab Bhi Dekhoon Tere Chehre Per Udasi Ka Sama
Yehi Chahoon Ke Kisi Tarhan Hansaloon Tumko
Tu Jo Thak Haar Ke Loute Toh Yehi Khuwahish Ho
Paas In Palko Ki Chaoon Mein Sulaloon Tumko
Last edited by umer malik on Thu Apr 09, 2009 7:12 am; edited 1 time in total
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 6:57 am |
|
|
zikr-e-shab-e-firaq se wahashat use bhi thi
meri tarah kisi se muhabbat use bhi thi
mujh ko bhi shauq tha naye chehron ki did ka
rasta badal k chalne ki adat use bhi thi
us rat der tak wo raha mahw-e-guftagu
masruf main bhi kam tha faragat use bhi thi
sunata tha wo bhi sab se purani kahaniyan
taza rafaqaton ki zarurat use bhi thi
mujh se bichar k shahar main ghul mil gaya wo shakhs
halanke shahar bhar se raqabat use bhi thi
wo mujh se barh k zabt ka adi tha ji gaya
warna har ek sans qayamat use bhi thi
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:00 am |
|
|
zikr-e-shab-e-firaq se wahashat use bhi thi
meri tarah kisi se muhabbat use bhi thi
mujh ko bhi shauq tha naye chehron ki did ka
rasta badal k chalne ki adat use bhi thi
us rat der tak wo raha mahw-e-guftagu
masruf main bhi kam tha faragat use bhi thi
sunata tha wo bhi sab se purani kahaniyan
taza rafaqaton ki zarurat use bhi thi
mujh se bichar k shahar main ghul mil gaya wo shakhs
halanke shahar bhar se raqabat use bhi thi
wo mujh se barh k zabt ka adi tha ji gaya
warna har ek sans qayamat use bhi thi
[b]
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:04 am |
|
|
ye dil ye pagal dil mera kyon bujha gaya awaragi
is dasht main ik shahar tha wo kya hua awaragi
kal shab mujhe be-shakl si awaz ne chaunka diya
main ne kaha tu kaun hai us ne kaha awaragi
ik tu ki sadiyon se mere hamrah bhi hamraz bhi
ik main k tere nam se nashna awaragi
ye dard ki tanhaiyan ye dasht ka wiran safar
ham log to ukta gaye apni suna awaragi
ik ajnabi jhonke ne jab pucha mere gam ka sabab
sahara k bhigi ret par main ne likha awaragi
le ab to dasht-e-shab ki sari wusaten sone lagin
ab jagna hoga hamain kab tak bata awaragi
kal rat tanha chand ko dekha tha main ne khwab main
'Mohsin' mujhe ras ayegi shayad sada awaragi
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:08 am |
|
|
jab se us ne shahar ko chora har rasta sunsan hua apna kya hai sare shahar ka ik jaisa nuksan hua mere hal pe hairat kaisi dard k tanha mausam main pathar bhi ro parte hain insan to phir insan hua us k zakhm chupa kar rakhiye khud us shakhs ki nazron se us se kaisa shikawa kije wo to abhi nadan hua yun bhi kam amez tha "Mohsin" wo is shahar k logon main lekin mere samne akar aur hi kuch anjam hua
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:10 am |
|
|
agaz to hota hai anjam nahin hota
jab meri kahani main wo nam nahin hota
jab zulf ki kalikh main ghul jaye koi rahi
badnam sahi lekin gumnam nahin hota
hans hans k jawan dil k ham kyon na chunen tukre
har shakhs ki qismat main inam nahin hota
bahte hue ansu ne ankhon se kaha tham kar
jo mai se pighal jaye wo jam nahin hota
din dube hain ya dubi barat liye kashti
sahil pe magar koi kohram nahin hota
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:11 am |
|
|
yun teri rahguzar se diwana war guzre
kandhe pe apne rakh k apna mazar guzre
baithe rahe hain rasta main dil ka khandar saja kar
shayad isi taraf se ek din bahar guzre
bahti hui ye nadiya ghulte hue kinare
koi to par utre koi to par guzare
tu ne bhi ham ko dekha hamne bhi tujhko dekha
tu dil hi har guzra ham jan har guzre
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:15 am |
|
|
kabhi mujh ko sath lekar, kabhi mere sath chal kar
vo badal gaye achanak meri zindagi badal kar
huye jis pe meharaban tum koi khushnasib hoga
meri hasraten to nikalin mere ansuon main dhal k
teri zulf-o-ruKh k qurban dil-e-zar dhundta hai
vahi champai ujale vahi surmai dhundalake
koi phul ban gaya hai koi chand koi tara
jo chirag bujh gaye hain teri anjuman main jal k
mere dosto Khudara mere sath tum bhi dhundo
vo yahin kahin chupe hain mere gam ka rukh badal k
teri bejhijhak hansi se na kisi ka dil ho maila
ye nagar hai ainon ka yahan sans le sambhal k
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:17 am |
|
|
pursish-e-gam ka shukriya, kya tujhe agahi nahin
tere bagair zindagi dard hai, zindagi nahin
daur tha ek guzar gaya, nasha tha ek utar gaya
ab vo muqam hai jahan shikva-e-berukhi nahin
tere siva karun pasand kya teri qayanat main
donon jahan ki neamaten, qimat-e-bandagi nahin
lakh zamana zulm dhaye, vaqt na vo Khuda dikhaye
jab mujhe ho yaqin k tu hasil-e-zindagi nahin
dil ki shaguftagi k sath rahat-e-maykada gai
fursat-e-maykashi to hai, hasarat-e-maykashi gai
zaKhm pe zaKhm khake ji, apne lahu ke ghunt pi
ah na kar, labon ko si, ishq hai dilagi nahin
dekh ke khushk-o-zard phul, dil hai kuch is tarah malul
jaise teri khizan k bad, daur-e-bahar hi nahin
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:18 am |
|
|
yun na mil mujh se khafa ho jaise
sath chal mauj-e-saba ho jaise
log yun dekh kar hans dete hain
tu mujhe bhul gaya ho jaise
ishq ko shirk ki had tak na barha
yun na mil hamse Khuda ho jaise
maut bhi ai to is naz k sath
mujh pe ehsan kiya ho jaise
aise anjan bane baithe ho
tum ko kuch bhi na pata ho jaise
hichkiyan rat ko ati hi rahin
tu ne phir yad kiya ho jaise
zindagi beet rahi hai "danish"
ek bejurm saza ho jaise
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:20 am |
|
|
ab ke ham bichhare to shaayad kabhii Khvaabon main milain
jis tarah suukhe hue phuul kitaabon main milain
dhondh ujare hue logon main vafaa ke motii
ye Khazaane tujhe mumkin hai Kharaabon main milain
tuu Khudaa hai na meraa ishq farishton jaisaa
donon insaan hain to kyon itane hijaabon main milain
Gam-e-duniyaa bhii Gam-e-yaar main shaamil kar lo
nashaa barataa hai sharabain jo sharaabon main milain
aaj ham daar pe khainche gaye jin baaton par
kyaa ajab kal wo zamaane ko nisaabon main milain
ab na wo main hon na tu hai na wo maazii hai `Faraaz'
jaise do shaKhs tamannaa ke saraabon main milain
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:22 am |
|
|
ab ke tajdid-e-vafa ka nahin imkan jana
yad kya tujh ko dilayain tera paiman jana
yon hi mausam ki ada dekh ke yad aya hai
kis qadar jald badal jate hain insan jana
zindagi teri ata thi so tere nam ki hai
ham ne jaise bhi basar ki tera ehsan jana
dil ye kahata hai ki shayad ho fasurda tu bhi
dil ki kya bat karain dil to hai nadan jana
avval-avval ki muhabbat ke nashe yad to kar
bepiye bhi tera chehara tha gulistan jana
akhir akhir to ye alam hai ki ab hosh nahin
rag-e-mina sulag uthi ki rag-e-jan jana
muddaton se ye alam na tavaqqo na ummid
dil pukare hi chala jata hai jana jana
ham bhi kya sada the ham ne bhi samajh rakha tha
gam-e-dauran se juda hai gam-e-jana jana
ab ki kuch aisi saji mahafil-e-yaran jana
sar-ba-zanu hai koi sar-ba-gireban jana
har koi apani hi avaz se kanp uthata hai
har koi apane hi saye se hirasan jana
jis ko dekho vahi zanjir-ba-pa lagata hai
shahar ka shahar hua dakhil-e-zindan jana
ab tera zikr bhi shayad hi gazal main aye
aur se aur hua dard ka unvan jana
ham ki ruthi hui rut ko bhi mana lete the
ham ne dekha hi na tha mausam-e-hijran jana
hosh aya to sabhi khvab the reza-reza
jaise urate huye auraq-e-pareshan jana
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:23 am |
|
|
ab kis ka jashn manate ho us des ka jo taqsim hua
ab kis k git sunate ho us tan-man ka jo do-nim hua
us khvab ka jo reza reza un ankhon ki taqdir hua
us nam ka jo tukra tukra galiyon main be-tauqir hua
us parcham ka jis ki hurmat bazaron main nilam hui
us mitti ka jis ki hurmat mansub udu k nam hui
us jang ko jo tum har chuk us rasm ka jo jari bhi nahin
us zakhm ka jo sine pe na tha us jan ka jo vari bhi nahin
us khun ka jo badqismat tha rahon main bahaya tan main raha
us phul ka jo beqimat tha angan main khila ya ban main raha
us mashriq ka jis ko tum ne neze ki ani marham samajha
us magrib ka jis ko tum ne jitna bhi luta kam samajha
un masumon ka jin k lahu se tum ne farozan raten kin
ya un mazlumon ka jis se khanjar ki zuban main baten kin
us mariyam ka jis ki iffat lutti hai bhare bazaron main
us isa ka jo qatil hai aur shamil hai gamkhvaron main
in nauhagaron ka jin ne hamain khud qatl kiya khud rote hain
aise bhi kahin damsaz hue aise jallad bhi hote hain
un bhuk nange dhanchon ka jo raqs sar-e-bazar karain
ya un zalim qazzaqon ka jo bhes badal kar var karain
ya un Jhute iqraron ka jo aj talak aifa na hue
ya un bebas lacharon ka jo aur bhi dukh ka nishana hue
is shahi ka jo dast-ba-dast ai hai tumhare hisse main
kyon nang-e-vatan ki bat karo kya rakha hai is qisse main
ankhon main chupaye ashkon ko honthon main vafa k bol liye
is jashn main bhi shamil hun nauhon se bhara kashkol liye
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:24 am |
|
|
ab naye sal ki mohlat nahin milne vali
a chuk ab to shab-o-roz azabon vale
ab to sab dashna-o-khanjar ki zuban bolte hain
ab kahan log muhabbat k nisabon vale
zinda rahne ki tamanna ho to ho jate hain
fakhtaon k bhi kirdar uqabon vale
na mere zakhm khile hain na tera rang-e-hina
mausam aye hi nahin ab k gulabon vale
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:24 am |
|
|
aise chup hain ke ye manzil bhi kari ho jaise
teraa milanaa bhi judaai ki ghari ho jaise
apane hi saaye se har gaam laraz jaataa hon
raaste main koi divaar khari ho jaise
manzilain duur bhi hain manzilain nazadik bhi hain
apane hi paaon main zanjir pari ho jaise
kitane naadaan hain tere bhulane vaale ke tujhe
yaad karane ke liye umr pari ho jaise
aaj dil khol ke roye hain to yon Khush hai 'Faraz'
chand lamhon ki ye raahat bhi bari ho jaise
|
|
|
|
|
Lycan
3000 Posts n u r a V.I.P member
Number of posts : 2921
Age : 37
Location : lahore, pakistan
|
| Subject: Re: umer collection Thu Apr 09, 2009 7:25 am |
|
|
Dil bhi bujha ho sham ki parchaiyan bhi hon
mar jaiye jo aise main tanhaiyan bhi hon
ankhon ki surkh lahar hai mauj-e-suparadagi
ye kya zarur hai ke ab angaraiyan bhi hon
har husn-e-sada lau na dil main utar saka
kuch to mizaj-e-yar main geharaiyan bhi hon
duniya ke tazakire to tabiyat hi le bujhe
bat us ki ho to phir sukhan araiyan bhi hon
pahale pahal ka ishq abhi yad hai 'Faraz'
dil khud ye chahata hai ke rusvaiyan bhi hon
|
|
|
|
|
Sponsored content
|
| Subject: Re: umer collection |
|
|
|
|
|
|
|
|
|
|
