First topic message reminder :

gaye dino ki baat hai
shabab per bahar thi
hawa b khushgawar thi
najane kiu machal para
main apne ghar se chal para
kisi ne muj ko rook kar
bari ada se tok kar
kaha k lout aeye
meri kasam na jaeye


wohi hasen sham hai
bahar jis ka nam hai
chala hun ghar ko chor kar
na jane jaun ga kidr
koi nahi jo rook kar
koi nahi jo tok kar
kahy k lout aeye
meri kasam na jaeye

~~~~~~~~~~~~~~~~~~

Meray Liye Tu Harfay Doa Ho Gaya Wo Shaks,
Saray Dooko Ki Jaisay Dawa Ho Gaya Wo Shaks,

Mein Aasma Pay Tha Tu Zamee Ki Kasish Tha Wo,
Otra Jo Mein Zamee Pay Tu Haawa Ho Gaya Wo Shaks,

Youn Bi Nahi Kay Pass Hai Meray Wo Hum Naafas,
Yeh Bi Galat Hai Kay Muj Say Juda Ho Gaya Wo Shaks,

Parta Tha Mein Namaz Samj Kay Usay .. Tanha ..
Phir Youn Howa Kay Muj Say Kaaza Ho Gaya Wo Shaks,

ab or kiya kisii se marasim barhaaiN ham
ye bhi bahut hai tujhay bhool jaaiN ham

sahra-e-zindagi maiN koii dusra na tha
suntay rahay haiN aap hi apni sadaaiN ham

is zindagi maiN itni faraghat ke,nasiib
itnaa na yaad aa ke tujhay bhool jaaiN ham

tu itni dil zadah to na thi,aiy shab-e-firaaq
aa teray raastay maiN sitaray lutaaiN ham

teray ishq ki intiha chahta hooN
meri saadgi daikh kiya chahta hooN

ye jannat mubarak ho zahidooN ko
ke maiN aap ka saamna chahtahooN

bharii bazm maiN raaz ki baat kah dii
baraa be adab hooN sazaa chahta hooN

NA ATAY WO, HUMAIN IS MAIN TAKRAAR KIYA THI
MAGAR WAADA KARNAY MAIN AAAR KIYA THI

TAAMUL TOU THA UN KO AANAY MAIN MAGAR
QAASID YE TOU BATA TARZ_E_INKAAR KIYA THI

Merey Sabar Ka Na Ley Imtehaan
Meri Khaamoshi Ko Sada Na Dey
Jo Terey Baghair Na Jee Sakey
Usey Jeeney Ki To Duaa Na Dey

Tu Azeez Dil-O-Nazar Sey Hai
Tu Qareeb Rag-O-Jaan Sey Hai
Merey Jissm-O-Jaan Ka Yeh Faisla
Kaheen Waqat Aur Barha Na Dey

Tujhe Bool Ke Bhi Na Bulaa Sakoon
Tujhe Chah Ke Bhi Na Pa Sakoon
Meri Hasraton Ko Shumaar Kar
Meri Chahaton Ka Silaa Na Dey

Wo Tarap Jo Shula-E-Jaan Mein Thi
Merey Tan Badan Sey Lypat Gaye
Jo Bujha Sakey To Buja Isey
Na Bujha Sakey To Hawa Na Dey

Tujhe Agar Milein Kabhi Fursatein
Meri Shaam Phir Sey Sanwaar Dey

Agar Qatal Karna Hai To Qatal Kar
Yoon Judayioon Ki Saza Na Dey ....

Yaadon ke sailabon main doob jaana yaad hai
Choti choti baaton ko sunna sunana yaad hai
Patjhad main bhi lagta tha mausam baharon ka
Tumhare intezaar main waqt bitana yaad hai…….

Thakti nahi thi aankhen dekh dekh rasta
Naye bahane banake der se tumhara aana yaad hai
Kushboo main hawa ki dhoondna tumhari mehak
Baarish ki boondon main apne ashka milana yaad hai

Kabhi saath baithe baithe yuhi waqt bita dena
Kabhi meri har baat par tumhara muskuraana yaad hai
Kabhi bin bataye tumhaara sab kuch keh dena
Kabhi keh ke bhi baat chupana yaad hai

Kuch sunna chahte the hum tumse
Par tumhara na keh paana yaad hai
Abhi to mile bhi nahi the raaste humare
Yun ek mod par raahon ka mud jaana yaad hai

Chaha tha ek kahani bane humari
Magar panno ka achanak bikhar jaana yaad hai
Kahanni na sahi afsana to ban gaya
Is afsaane ka har fasana mujhe yaad hai.....

woh ek shaks.....
jhooti thi ya sachi thi
mujhko achi lagta thi
aankhain uski kali thi
chehra ujla ujla tha
phool chaman main khilte thay
jab wo khul ker hansti thi
keh deti thi sab kuch hi
dil main kuch kab rakhti thi
kerwi thy guftar bohut
lakin dil ki achi thi
ker leti thi jhagra aur
foren maan bhi jati thi
door bhi hum ho sakte hain
kab humne ye socha tha
kitne pyaare din thay, wo
har dam saamne rehti thi
begana thi lakin, woh
apni apni lagti thi
gulshan uski chahat ka
mere dil main mehka tha
kiya woh aaj bhi aisi hai
jaisa kal tak lagti thi
ya rab usko khush rakhna
har dam jo khush rehti thi

Raah-e-Wafa Mein Har Soo Kantey, Dhoop Ziyada Saaye Kam
Lekin Iss Pe Chaleny Waley Khush Ke Rahey, Pachhtaaye Kam
Umer Phooloun Ki Dou Din Jis Mein Yeh Bhi Qayamat Beet Gayee
Dast-e-Hawus Ne Nauchey Laakhoun, Shakhoun Pe Murjhaaye Kam
Aah Ye Zalim Talkh Haqeeqat Jitney Safiney Gharaq Hoowey
Aksar Apni Mauj Mein Doubey, Toofaan Se Takraaye Kam
Rah Ravi Ka Sab Ko Da'awa, Sab Ko Ghuroor-e-Eshq-o-Wafa
Raah-e-Wafa Pe Chalney Waaley Ham Ne Lekin Paaye Kam
Dheemi Dheemi Chaal Se Ham Ko Reh-Guzar Tay Karni Hey
Naz Tha Jin Ko Tez-Ravi Pe, Manzil Tak Woh Aaye Kam
Mujh Se Shikayat Dunya Bhar Ko Shiddat-e-Gham Mein Roney Ki
Lekin Mujh Ko Uss Ka Rona, Aank Mein Aansoo Aaye Kam
Sabr-o-Sukoon Ki Dunya Lootey Husn Dikha Kar Jalwoun Ko
Eshq Magar Khud Shab Bhar Tardpey, Auroun Ko Tardpaaye Kam

Badal Jata Hay
Bohot kuch badal jata hai
Tere aane ke baad,
Bohot kuch bichar jata hai
Tere jaane ke baad,
Wo samandar ki leherey,
Wo rait ke mehal,
Bohot kuch beh jata hai
Saahil se takra jaane ke baad,
Wo baarish ke moti,
Wo taaro ki khuwahish,
Bohot kuch bikhar jata hai
Khuwaab toot jaane ke baad,
Wo teri parchaiyon se takrana,
Wo saayon ka lehrana
Bohot kuch mit jata hai andhera chhaa jaane ke baad

MAI IS HISAAR SE NIKLUN TO OR KUCH SOCHUN
TUMHARE PYAR SE NIKLUN TO OR KUCH SOCHUN

TERI GALI KAY ILAWA BHI ORR QARIYE HAIN
JO IS DAYARR SE NIKLUN TO OR KUCH SOCHUN

TUMHARE HIJR KI SADYAN TUMHARE WASL K DIN
MAI IS SHUMAR SE NIKLUN TO OR KUCH SOCHUN

RACHA HUA HAI TERA ISHQ MERI POORON MAI
MAI IS KHUMAR SE NIKLUN TO OR KUCH SOCHUN

YE MUJHMAI KON MERE RAAT DIN SAMBHALTA HAI
IS IKHTIYAAR SE NIKLUN TO OR KUCH SOCHUN

TUMHARE JISM KI KHUSHBOO NE KERDYA MASHOOR
IS AABSHAAR SE NIKLUN TO OR KUCH SOCHUN

YEH BEQARARI MERI ROOH KA UJAALA HAI
MAI IS QARAAR SE NIKLUN TO OR KUCH SOCHUN

Meri mohabat hay woh
Mari mohabat hay woh, koi majboori to nahi.
woh mujay chahay, ya mill jay zarori to nahi.
yah kuch kam hay kay bassa hay mari sansoon main.
woh samnay ho mari ankhoon kay zarori to nahi.
jaan qurban mari, us ki her muskurahat pay.
chaaht ka takaza hay yahi, Aqal-e-Khurori to nahi.
ab to nikal kay ankhoon say yadoon main ja basa woh.
yahi hay qurbat-e-chaahat, koi dori to nahi.
us kay gar ki tarf utthy hi ruk jaty hain kadam.
badnami say us ki darta hoon, koi mazori to nahi.
keyoon log madhoosh hotay hain mari mahaq say.
dil ki jalan aur ansoaoon ka ater hay, mahaq-e-kafori to nai.
dair karta hoon her kam main katay hain dost mary..
kam aqali hay mari koi shaoori to nahi.
keyoon sulgata hay apnay app ko ay Saadash
dil bhi tara jan bhi tari, koi tandori to nahi.

woh ek shaks.....
jhooti thi ya sachi thi
mujhko achi lagta thi
aankhain uski kali thi
chehra ujla ujla tha
phool chaman main khilte thay
jab wo khul ker hansti thi
keh deti thi sab kuch hi
dil main kuch kab rakhti thi
kerwi thy guftar bohut
lakin dil ki achi thi
ker leti thi jhagra aur
foren maan bhi jati thi
door bhi hum ho sakte hain
kab humne ye socha tha
kitne pyaare din thay, wo
har dam saamne rehti thi
begana thi lakin, woh
apni apni lagti thi
gulshan uski chahat ka
mere dil main mehka tha
kiya woh aaj bhi aisi hai
jaisa kal tak lagti thi
ya rab usko khush rakhna
har dam jo khush rehti thi

Yun hi to saksh say pattay gira nahi kartay
Bichar kay loog zyada jiya nahi kartay

Jo anay walay han mosom unhain shumar main rakh
Jo din guzar gay un ko gina nahi kartay

Na dekha jan kay usnay koi sabab ho ga
Issi khyal say hum dil bura nahi kartay

Wo mil gya ha to kia qissa-e-fraq kaheen
Kushi kay lamhoon ko yun bay maza nahi karaty

Nishat-e-qurab gham-e-hijar kay iwaz maat mang
Dua kay naam pay yun baadua nahi kartay

Munafeqat pee jinheen ikteyar hasil ha
Wo araz kartay han tuj say gila nahi kartay

sakoot-e-jaan ka matlab bata do phir chalay jana
ya phir sargoshian dil ki suna do phir chalay jana
jo mera aur tumhara waqt guzra hansnay ronay mein
usay puri tarhan se tum bhula do phir chalay jana
yeh saray pairr poday tum bin kayi raat jagay hain
tum aakay ik baar inko sula do phir chalay jana
kisi ko chahne ka aur kisi se chahay janay ka
jo hai ahsaas tum usko bhula do phir tum chalay jana

bus ik murda hansi se apnay ashkon ko chupanay ka
jo fun aata hai tum ko, wo sikha do phir chalay jana
woh jo ik lafz-e-ulfat hai, juda hai apnay maa’ni se
bus in alfaz-o-maa’ni ko mila do phir chalay jana
jo kehte kehte ruk gaye, un sari baton ki
sama'at ko talab hai wo suna do phir chalay jana
na janay q hai lakin dekhne ki tum ko aadat hai
meri ye be-waja aadat chura do phir chalay jana

merey in roz-o-shab ka ik faqat unwan bus tum ho
mujhe tum doosra unwan la do phir chalay jana.

Na siyo hont, na khuwabon main sada do hum ko
Maslehat ka yeh taqaza hai bhula do hum ko
Jurm-e-suqraat say hatt kar na saza do hum ko
Zeher rakha hai to yeh aab-e-baqa do hum ko

Bastiyan aag main beh jayen k pather barsain
Hum agar soye huway hain to jaga do hum ko
Hum haqeeqat hain to tasleem na karnay ka sabab
Haan agar harf-e-ghalat hain to mitaa do hum ko

Khizar mash’hoor ho, ilyaas banay phirtay ho
Kab say hum gumm hain, humara to pata do hum ko
Zeest hai iss sehr-o-shaam say bazaar-o-zaboon
Laala-o-gul ki tarah rang-e-quba do hum ko

Shorish-e-ishq main hai husn braber ka shareek
Soch kar jurm-e-tamanna ki saza do hum ko
Jurrat-e-lams bhi imkaan talab main hai magar
Yeh na ho, aur gunahgaar bana do hum ko

Kiun na iss shab say naye dor ka aaghaz karain
Bazm-e-khooban say koi naghma-sara do hum ko
Maqsad-e-zeest gham-e-ishq hai sehraa ho k shehr
Baith jayen gay, jahan chahay bitha do hum ko

Hum chitaanain hain, koi rait k saahil to nahi
Shoq say shehr panahon main laga do hum ko
Bheerd bazaar samaa’at main hai naghmon ki bohat
Jis say tum samnay ubhro, wo sada do hum ko

Kon deta hai mohabbat ko parastish ka muqaam
Tum yeh insaaf say socho to dua do hum ko
Aaj maahol ko aaraesh-e-jaan say hai gurez
Koi daanish ki ghazal laa kar suna do hum ko

khamosh raaho mien tera saath chahiye
tanha hai mera hath,tera haath chahiye

mujhko mere muqadar per itna yakeen too hai
tujhko bhi mere lafz, meri baat chahiye

mien khud apni shairi ko kiya acha kehta
mujhko teri tareef, teri daad chahiye

ehsaas-e-mohabbat tere waste hai lakin
junoon-e-ishk ko teri soghat chahiye

tu mujhko paane ki khuhaish rakhti ho lakin
jeene ke liye teri mulaakat chahiye!!!!

Salayiat sochany sumjnay ki umeed na rahi mujay...
Ab Kasi Say Dil Laganay Ki Umeed Na Rahi Mujay...
Bohat Dair Tak Betha Raha Barish K Intezar Main..
Ab BadaLoon K Garagnay Ki Umeed Na Rahi Mujay...
Sab Keh Sab PhooL Baard Keh Murja Gaye Hain...
Ab KAsi KaLLi Keh Khilnay Ki Umeed Na rahi Mujay..
Sab Keh Sab Goor AazManay Keh Baad ShaaaM
Ab Baazi JeetNay Ki Umeed Na Rahi Mujay...!!!

miltay hain is ada se k goya khafa nahi...
kia aap ki nigah se main aashna nahi...
taskeen humnashi se bara dard aur bhi hai...
yani ghum-e-faraaq ki koi dawa nahi...
shoqain bakaye dard ki hain saari khatirain...
warna duva se aur koi badduva nahi...
kab tak kisi kay naz-e-tahgafil uthay dil...
kia sabar ki koi intaha nahi...
hasrat meray kalaam main momin k rang hain...
mulkay sakhan main mujh sa koi dusra nahi...

koi dost hai na raqeeb hai
teraa shahar kitana ajeeb hai

woh jo ishq tha woh junuun thaa
yeh jo hijr hai ye naseeb hai

yahaan kis ka cheharaa parhaa karoon
yahaan kaun itanaa qareeb hai

main kise kahuun mere saath chal
yahaan sab ke sar pe saleeb hai

Kuch bhuli basri yaadain hain -
Kuch ankh say pani behta ha -
Kuch yaad kisi ki ati ha -
Kuch dard sa dil main rehta ha -
kuch waqt k zalim qisay han -
kuch dard judai rehta ha -
kuch khair k baadal chaye han -
kuch pyar ka amrat behta ha -
kuch tanha jag raha hon main -
kuch sans bhe lena bhari ha -
kuch esi uljhan rehti ha -
kuch zesat nay thokar mari ha -
kuch dard milay han apnon say -
kuch ghair ka palra bhari ha -
kuch baikal maan be-chain bhe ha -
kuch jan ki bazi haari ha -

koi ahid b usko yaad nhi-
koi baat b usko yaad nhi-
ik shaks ne usko chaha tha-
wo zaat b usko yaad nhi-
jb shab ki bijli chamki the-
or badal toot k barsa tha-
hum donon js main bheegay thay-
wo barsat b usko yaad nhi-
wo sahil, darya, phool, hawa-
wo wada sath nibhanay ka-
aur shab bhar chand ko dekha tha-
wo raat b usko yaad nahi-
wo kehti thi main sunta tha-
main kehta tha wo sunti the-
un lakhoon baaton main koi aik b baat usko yaad nahi-

Terey baarey mein jab, socha nahin tha
Mein tanha tha magar, itna nahin tha

Teri tasveer sey karta tha baatein
Merey kamrey mein ' Aaina ' nahin tha

Mein tanha tha magar, itna nahin tha

Samander ne Mujhey, Pyaasa hi rakha
Mein jab Sehra mein tha, Pyaasa nahin tha

Mein tanha tha magar, itna nahin tha

Manaaney roothney ke khail mein Hum,
Bichhar jaaein gey, Yeh socha nahin tha

Mein tanha tha magar, itna nahin tha

Suna bund kar leen, Uss ne Aankhein
Kai Raaton sey Woh, soya nahin tha

Mein tanha tha magar, itna nahin tha

Saans chalty rahi, waqt katta raha
Hum bhi chaltay rahay, dil bhi jalta raha

Din badlay hain, badlay zamanay yahan
Tu jo kehty rahi main woh kerta raha

Tujh ko paney ki umong mein sokon lott gaya
Tu chalaty rahi aur main chalta raha

Phool toda hoa bhi murjha jata hay
Main tujh se biched ker bhi hansta raha

Khoot tujh mein hay, meri wafa mein nahi
Main kinaray ko manzil samjhta raha

tujhe izhaar-e-muhabbat se agar nafrat hai
tuu ne honToN ko larazne se to rokaa hotaa
be-niyaazii se, magar kaaNptii aavaaz ke saath
tuu ne ghabraa ke miraa naam na puuchaa hotaa
tere bas meN thii agar mash'al-e-jazbaat kii lau
tere ruKhsaar meN gulzaar na bhaRkaa hotaa
yuN to mujh se huii sirf aab-o-havaa ki baateN
apne TooTe hue fiqroN ko to parkhaa hotaa
yuuNhii be-waj'h ThiThakney ki zaruurat kyaa thii
dam-e-ruKhsat maiN agar yaad na aayaa hotaa
teraa ghammaz banaa khud tiraa andaaz-e-khiraam
dil na sambhlaa, to qadmoN ko sambhaala hota
apne badle miree tasviir nazar aa jaati
tuu ne us vaqt agar aaiinaa dekhaa hotaa
hoaslaa tujh ko na thaa mujh se judaa hone kaa
varnaa kaajal tiree aaNkhoN meN na phailaa hota

Jis ko hum nay chaha usay hum pa na sakay
Jis nay hum ko chaha usay hum chah nahi sakay
Ye samjho k dil totnay ka khail hay
Kisee ka tora or apna bacha na sakay

Mein Haqeeqat Houn Samajhtey Hein Woh Afsaana Mujhey
Khud Jalaatey Hein Bana Kar Apna Parwaana Mujhey
Gardash-e-Dauraan Se Kehdo Housh Ke Baatein Karey!
Gham Ke Toofaanoun Se Bhi Aata Hey Takraana Mujhey
Un Se Un Ki Bazm Mein Itna Hi Keh Ke Uthh Gaya
Raunaqein Tum Ko Mubarak Aur Veeraana Mujhey
Jaaney Kya Aadmi Tha, Na-Aashna Lagta Tha
Woh Kar Gaya Sarey Shanasaaoun Se Be-Gaana Mujhey
Aisey ChhupChhup Kar Kahan Tak Zahmat-e-Jalwa- Gari Hashar Jo Bhi Ho,
Nazar Aa Be-Hijabaana Mujhey Meri Tark-e-May Kashi Per,
Meri Har Tauba Ke Baad, Ehtiraaman Leney Aaya Meer-e-May Khaana Mujhey
Har Naye Saaqi Ne Uff! Hasb-e-Riwayat He Diya Meray He
Khoon-e-Jigar Se Bhar Ke Pemaana Mujhey
Dekh Kar Iss Dil Ki Thandi Aag Mein Jaltey Howye Hogay Rukhsat Dua'ayen De

main aisi mohabbat karta hoon
tum kaisi mohabbat karti ho
tum jahan peh bayth k jati ho
main waheen pe betha rehta hoon
us cheez ko choota rehta hoon
main aisi mohabbt karta hoon

tum jis se huns k milti ho
main us ko dost banata hoon
tum jis rustay par chalti ho
main us say aata jata hoon
main aisi mohabbat karta hoon
tum kaisi mohabbat karti ho
kuch khuwab saja kar aankhoon main
palkon say moti chunta hoon
koi lums agar choo jaa a to
main pehroon us ko sochta hoon
main...aisi mohabbat karta hoon
tum kaisi mohabbat karti ho

jin logon main tum rehti ho
tum jin say batain karti ho
tum jin say huns k milti ho
jo tum ko achay lagtay hoon
wohi mujh ko achy lagtay hain
main aisi mohabbat karta hoon
tum kaisi mohabbat karti ho

jis bagh main subh ko jati ho
jis sabzay par tum chalti ho
jo shakh tumhain choo jati hay
jo khushboo...tum ko bhati hay
wo os tumharay chehray par
jo qatra qatra girti hai
wo titli chor k phoolon ko
jo tum say milnay aati hai
jo tum ko choonay aati hay
un sab k nazuk jazbon main
meray dil ki dharkan basti hai
miri rooh bhi shamil rehti hai
tum paas raho ya door raho
nazron main samai rehti ho
mai

main tum ko takta rehta hoon
main tum ko sochta rehta hoon
main aisi mohabbat karta hoon
tum kaisi mohabbat karti ho

her moqay par her manzar main
main sath tumharay rehta hoon
main chashm-e-tasavvur main aksar
bus tum ko dekhta rehta hoon
bus tum ko sochta rehta hoon
main aisi mohabbat karta hoon
tum kaisi mohabbat karti ho

Ik raat ko chand nay mujh say kaha
Kiya mujhssa bhi koi dekha hay
Kiya aisa bhi koi chahra hay
Jo mujh say ziyada roshn ho
Jo mujh say ziyada kundn ho
Jo mujh say ziyada pyara ho
Maney itra k us say kaha
Ik aisa chahra mera hay
Main jis ko takti rahti hon
Tu mery chand ko ger dekhay
Khud apnay ap ko na dekhay
Mery chand ka paker aisa hay
K phool bhi sherma say jaein
Woh hoont katooron jaisy hain
Main jinsay pani peeti hon
Woh zulf paharoon jaisi hay
Main jis main khho si jati hon
Woh jis ki ak jhalk ko main
Din raat tarapti rahti hon
Jo uski jheel si ankhay hain
Main in main dobi rahti hon
Phire jal ker chand nay mujhsay kaha
"Main is ko dakhnay jaooon ga"
Mery CHANDA ! ik baat suno
Tu raat ko bahir mt jana
Kahin chand ki tum ko nazer na lagy

main to keh nahi sakta us ka pata nahi
shayad uska haal b aisa ho shayad aisa hi ho

mujy to na din ki khabar na rat ka pta
shayad uska haal b aisa ho shayad aisa hi ho

main to uljha hua hoon usky khayalt main
shayad uska haal b aisa ho shayad aisa hi ho

meri to ankhain bi hijar main hain nam,dil may hai hgam
shayad uska haal b aisa ho shayad aisa hi ho

main to chahta hoon magar chuapata rhta hoon
shayad uska haal b aisa ho shayad aisa hi ho

tang aa gya hoon is raz say ab azadi chahta hoon
shayad uska haal b aisa ho shayad aisa hi ho

Ansoo bahany say kuch milla hai ju milly ga
khizan main phool khila hai ju khilly ga

hain woh khushnaseen jin ke dua main assar ho
meri dua say arrash hilla hai ju hillay ga

ju dia aa jay andgioun ke zudd main
woh dia andhioun main jalla hai ju jally ga

chorr fia jis shuksh nay mujhy rasty main
saath merry woh challa hai ju chally ga