First topic message reminder :

gaye dino ki baat hai
shabab per bahar thi
hawa b khushgawar thi
najane kiu machal para
main apne ghar se chal para
kisi ne muj ko rook kar
bari ada se tok kar
kaha k lout aeye
meri kasam na jaeye


wohi hasen sham hai
bahar jis ka nam hai
chala hun ghar ko chor kar
na jane jaun ga kidr
koi nahi jo rook kar
koi nahi jo tok kar
kahy k lout aeye
meri kasam na jaeye

~~~~~~~~~~~~~~~~~~

ham ko to gardish-e-haalaat pe ronaa aayaa
rone vaale tujhe kis baat pe ronaa aayaa

kaise mar-mar ke guzaarii hai tumhe.n kyaa maaluum
raat bhar taaro.n bharii raat pe ronaa aayaa

kitne betaab the rim_jhim me.n piiyenge lekin
aa_ii barsaat to barsaat pe ronaa aayaa

kaun rotaa hai kisii aur ke Gham kii Khaatir
sab ko apnii hii kisii baat pe ronaa aayaa

ye din to qayaamat kii tarah guzaraa hai
jaane kyaa baat thii har baat pe ronaa aayaa

TANHA........!

Dekhiye to lagta hai zndagi ki raho me,
ek bheed chalti hai.
sochiye to lagta hai,
bheed me hai sab TANHA.........!

Jitne bhi ye rishtey hai kaanch k khilone hai,
pal me toot sakte hai,
ek pal me ho jaye kaun janee kab TANHA?

Dekhiye to lagta hai, jaise ye jo duniya hai kitni rangeen mehfil hai,
Sochiye to lagta hai kitna gham hai duniya me, kitna zakhmi har dil hai!

Vo jo muskrate the
jo kissi k khwabo me
apne paas pate hai!

Unki neend tuuti hai
Aur hai vo ab TANHA!!!!

Suna Hai Log Us Ko Ankh Bher Ker Dekhtay Hain
So Uskey Shehar Main Kuch Din Thehr Ker dekhtay Hain
Suna Hai Is Ko Bhi Hai Shair-o-Shaire Se Shaghaf
So Hum Bhi Moajzey Apney Huner K Dekhtay Hain
Suna Hai Boley To Batoon se Phool Jhertey Hain
Yeh Baat Hai To Chalo Baat Kar K Dekhtey Hain
Suna Hai Raat Usey Chand Takta Rehta Hai
Sitarey Bam-o-Falak Se Uter Ker Dekhtay Hain
Suna Hai Din Ko Titliyan Usey Satati Hain
Suna Hai Raat Ko Jugnu Thehr K Dekhtey Hain
Suna Hai Is K Labon Se Gulaab Jaltey Hain
Mousam-e-Bahar Per Ilzam Dher K Dekhtey Hain
Suna Hai Is K Badan Ki Tarash Aesi Hai
K Phool Apni Qabaen Kutter Ker Dekhtey Hain
Rukey To Gardishen Is Ka Tawaf Karti Hain
Chaley To Is ko Zamaney Thehr K Dekhtey Hain
Kahaniyan Hi Sahih Sab Mubalghey Hi Sahih
Ager Woh Khaab Hai To Tabeer Kar K Dekhtey Hain
Ab Is Sheher Main Thehren K Kooch Ker Jain
Faraz Aao Sitarey Safer K Dekhtey Hain

Dil uddas rehta hay
Barishon kay mausam main
Zindagi pighalti hay
Khwahishon kay mausam main
Waqt Thehar jaata hay
Muntazir nigahon main
Jangalon kay khatray main
Bastion ki Raahon main
Hosakay to Laut Aana
Pyar ki panahon main
Ishq ka ijaara hay
Dil ki shahrahon par

Main Lafzon Main Kuch Bhi Izhar Nahi Karta
Iska Matlab Ye Nahi K Main Tujhe Pyar Nahi Karta
Chahta Hoon Main Tujhe Aaj Bhi Par
Teri Soch Mei Apna Waqt Bekar Nahi Karta
Tamasha Naa Ban Jaaye Kahi Mohabbat Meri
Isi Liye Apne Dard Ko Namoodaar Nahi Karta
Jo Kuch Mila Hai Usi Mei Khush Hoon Main
Tere Liye Khuda Se Taqraar Nahi Karta
Par Kuch Tu Baat Hai Teri Fitrat Mein
Warna Mein Tujhe Chahne Ki Khtaa Bar Bar Nahi Karta

woh kabhi jo hum nay kaha nahi...
woh kabhi jo hum ney suna nahi...
jo chalay thay silsilay pyar kay...
wahin sath tera mila nahi...
jahan ansoon ki bahar thee...
wahan gul kushi ka khila nahi...
jahan manzalian thee juda juda...
wahin samna kyun huwa nahi...
teray bin jiyan bhala kis tarhan...
teray bin jo kabi giya nahi...
mein ney ki wafa tou bohat magar...
mila iss ka koi sila nahi...
gay jis kay ishq mein kaam sey...
woh he pyar apna huwa nahi...
na thee tuj main muj sey sakat kabhi...
kyunkay pyar tum ney kia he nahi...

bade ajeeb hain ye zindagi k raste
anjaane mod per kuch log dost ban jate hain
milne ki khushi dain ya na dain
bicharne ka ghum zaroor de jate hain

hum say zindagi ki rah mai takra gaya koi
kia hota hai jeena seekha gaya koi
hum to jiye ja rahay thay auroon kay liye yahan
humay khud kay liye jeena seekha gaya koi
hamari zindagi to thi jaisay saza si
hamari zindagi jannat bana gaya koi
hamari zindagi to thi tapti dhoop ki manand
apna wajood hamray liye ghani chahoon bana gaya koi
hazaroon mai bhi rehtay thay hum tanha tanha
hamary gird khushiyoun kay mealay laga gaya koi
mai zindagi ki rah mai akaylay hi jeeya ja rhaee thi
ban kar hamsafar humraaz zindagi saja gaya koi
rasta tha bara kathan aur na manzil ka tha pata
chand qadam saath chal kar manzil deekha gaya koi
dosti kia hoti hai nahee jantay thay hum
dosti nibhana hum ko seekha gaya koi
dosti badal jaye gi mohabbat mai nahee jantay thay hum
hum ko itna chaha kay hum ko hum hi say churalay gaya koi

Bheegi Hui Aankhon Ka Yeh Manzar Na Mille Ga Tumhe
DIL Thod Ke Mat Jao Kaheen Pyaar Na Mille Ga Tumhe
Phir Yaad Bahut Aaye Gi Zulfon Ki Ghani Sham Tumhe
Jab Dhoop Mein Saaya Koi Sar Per Na Mille Ga Tumhe
Aansoo Ko Kabhi Oss Ka Qatra Na Samajhna Tum
Aisa Chahat Ka Samandar Na Mille Ga Tumhein
Is Khowaab Ke Mahool Main Be-Khowaab Hain Aankhein Meri
Jab Neend Bahut Aaye Gi To Bistar Na Mille Ga Tumhe...
Yeh Sooch Lo Ab Akhri Saaya Hai Mohabbat Meri
Is Dar Se Utho Ge To Koi Dar Na Mille Ga Tumhe
Hum Ne Tum Ko Pukara Apne Dil Se
Or Tum Ne Kabhi Hamen Mud Kar Hi Na Dekha
Yah Tumhara Dil Hai Ke Pathar
Ka Kabhi Ye Pighle Gaa Bhi Ke Nahi Hamare Pyar Se

bus dour hi dour rahi
woh meray pass aa na saki
lakin us ko chah thi meri
woh yeh bhed chuppa na saki

ab woh kahan aur kaisi hai
yeh to koi bata na sakay ga
lakin us ki chah ko meray dil sai
koi bhi meeta na sakay ga

"Yaqeene Kamil"

Mere Mola!
Mere Malik!
Mujhe is ka yaqeen hai k
Mujhe teri nigahoon me koi mansab dilane ko
Mujhe tera banane ko
Mere sare gunahoon ko yakmusht hi mitane ko
Wo ik ansoo hi kafi hai
Jo tere khauf se nikla.

"Kisi Ki Hum Dua..............."

Kisi ki hum dua hone lage hain
Buhat ashufta paa hone lage hain

Khuda k naam lewaoon ko dekho
Zameen pe khud khuda hone lage hain

Wo mujh se is tarah milta hai jaise
Umer bher ko juda hone lage hain

Ho mere sheher ka Allah nigehban
Muhafaiz rahzan hone lage hain

Ajab hai aish shehre dil ka alam
K hum khud se khafa hone lage hain

Suno Aai Chaand Si Ladki....!

Suno.....Aai Chaand si ladki
Abhi Tum keh rahi thi naa
Tumhe Mujh se Mohabbat ho nahi sakti
Chalo Mana K ye Sach hai
Mager Aai Chand si ladki...!
Mujhe itna bata do tum
K jab mosam badalte hain
Guloon me Rang bharte hain
To phir Q muztarib ho ker
Akele Pun se Ghabraa ker
Hawa ko Raaz deti ho
Mujhe Aawaaaz deti ho
Suno....AAi Chand si ladki
Tumhare Saamne koi mera jab naam leta hai
To phir Q chonk jati ho??
Chalo Maana Tumhe Mujhse Mohabbat ho nahi sakti
Magar itna samajh lo Tum
Jahan Chahat nahi hoti
Wahan Nafrat k hone ka koi imkaaan nahi hota
Mera Daawaaa hai chahat me,
Jahan Nafrat Nahi hoti,
Wahan Aksar ye dekha hai
Ager kuch waqt kat jai,
Same ki Dhooool Chat Jai,
To Wehshat Bhaag Jati Hai
Mohabbat....Jaag Jati hai

bazahir aam lehjay main

kaha tha main ne jab us se

"badal lo raasta apna

juda rahain yaheen karlo

hamaray chahnay na chahnay se

kuch nahi hota

ye hi sach hai ke hum do mukhtalif

raston ke raahi hai

to phir kion dil ki manain hum

shuru main manti hoon main

azziyat dil ko pohanchay gi

magar phir waqt guzray ga

sabhi zakhmon ko bhar de ga"

meray is aam se lehjay pe wo

ik pal ko chonka tha

meri aankhon main aankhain daal kar

hairat se poocha tha

"ye sab jo keh rahi ho khud ko ye samjha bhi pao gi?"

bohat hi jee karda kar ke

main us dam muskuraii thi

bohat khud pe jabar kar ke

main us se keh ye payi thi

"meri tum fikr rehnay do

sambhal jaoon gi main khud hi

sabhi zakhmon ko sii loon gi

bhula kar sari batoon ko

akaili bhi main jee loon gi"

buhat hi be yaqeen aakhoon se

us ne mujh ko dekha aur

Bina ik lafz bolay wo gaya or phir nahi aaya

aur ab tark_e_taalluq ko

agarche umar beeti hai

magar is dil pe us ki zaat ka

jo naqsh qaaim tha

kabhi dhundla nahi hota

mujhay mehsoos hota hai

ke jaisay meray kanoon main

wo apni bolti aankhoon se

sargoshi si karta hai

"WO SAB JO KEH RAHI THEEN

KHUD KO WO SAMJHA BHI PAI HO?"

"Tum Raaz Ager Hote............"

Mehakti hoi ankhain ailaan na ban jain
Jab naam tera ata palkoon ko jhuka leta

Tum meri umeedon ki kashti k liye sahil
Manzil k liye rasta ankhoon k liyesahil
Tum dhoop me jab ate ban jata wahi badal
Awaz ager hote,geeton me saja leta
Tum raaz ager hote,me dil me chupa leta

Tum meri taraf chal ker jis rah se bhi ate
Her simt meri ankhain qadmoon k tale pate
Aik meethi hansi hans ker,soo phool khila jate
Wo phool utha leta rangoon me naha leta
Tum raaz ager hote,me dil me chupa leta

Tum raaz ager hote me .....

RAAH KA CHIRAG HON SURAJ TO HON NAHI
JITNI MERI BISAT HAI KAAM AA RAHA HON MAIN

Laut aati hay Meri SHAB ki IBAADAT khali
Janay kiss ARSH pay Rehta hay KHUDA SHAAM KAY BAAD?!?!?!

Kuch to ho SAGHIR vaqaar SHAAM-e-GHUM
MUSHKURA kar BE-BASSI ka naam loo…!!!

DHALLI JO SHAAM BOHAT MUZTARIB HUVAY ARSHI
KEH MUNTAZIR SAY THAY KUCH LOOG JO SEHER SAY TERE…!!!

Khalvat thi, Gehri Shaam thi Uss per KHAYAL-E-YAAR
Kiya Khoob ANJUMAN thi KHUSHI-O-MALLAAL Ki…!!!

" suno larki...
meri maano abhi tum ishq mat karna
abhi gurrya se khelo tum
tumhaari umr hi kya hai
faqat athra baras ki ho
abhi masoom bachi ho
nahin maaloom abhi tumko k jab ye ishq hota hai
to insaan kitna rota hai
sitaaray toot jatay hain
saharay chhoot jatay hain
abhi tum ne nahi dekha k
jab saathi bichhartay hain.....
to kitna dard hota hai
k har forqat k mosam main
hazaro gham ubhartay hain
hazaro zakhm khultay hain
suno larki...
meri maano parhaayi par tawajo do
kitaabon main gulabon ko......
kabhi bhoolay se mat rakhna
kitaabain jab bhi kholo gi
ye kaanton ki tarah dil main chubhengay,
khoon bahayengay
tumhain pehron satayengay
kisi ko khat nahin likhna
likhayi pakrri jaati hai
barri ruswayi hoti hai
kisi ko phone mat karna
sadayain dil dukhati hain
wo awazain satati hain
meri nazmain nahin parhna
ye mehshar ko utha degi
tumhain pagal bana degi
suno larki... meri maano "

Falak se jo zami pe utari
Lagti ho jese ek pari
Dekh ke tumko phool bhee muskaraye
Sun ke aahat hawa bhee ruk jaye

Chanda kee chandni tujmai
Suraj ke lalima mukh pe
Taro se saza tera ye anchal
Madu vina se baze teri payal

Falak se jo zami pe utari
Lagti ho jese ek pari

Dhere se tera palke uthana
Phir sharma ke unko girana
honto se gungunaana
Ankho se na jane kya kah jana

Har ada main ek nai kashish hai
Choon jaye dil ko esi teri tashveer hai

Bholi bhali se surat, sundarta kee murat
Dekh ke sadgi teri, Chanda bhee kho jaye
Itni payari lagti ho
Kee payar ko bhee payar tum se ho jaye

Hum bhee dekhe tumko chupke se
Kuch na kah paye aap se
Par kha ke kasam tumari
Mere dil ko achi lagti ho subse

Falak se jo zami pe utari
Lagti ho jese ek pari

Iraday bandhta hoon, socta hon, tor deta hoon
kaheen aesa na ho jaye, kaheen wesa na hojaye!

Wo jo aa jate the ankhoon me sitaare le ker
Jaane Kis Des gai Khwaab hamare le ker

Chaa'aon me Bethne wale hi to sab se pehle
Pair Girta hai to aa jate hain Aa're le ker

Wo Jo Asooda'e Saaahil Hain,Unhe Kya maloom
Ab K Mauj aai to Palte gi kinare le ker

Sheher waloon ko kahain Yaad hai wo Khawaab Farosh
Phirta Rehta Tha Jo Galyoon me Gubaare le ker

Naqde Jaan Sarf hoa Kulfate Hasti me Faraaz
Ab jo zindaa hain to Kuch Sansaain Udhare le ker

Wo jo aa jate the ankhoon me sitaare le ker
Jaane Kis Des gai Khwaab hamare le ker

Chaa'aon me Bethne wale hi to sab se pehle
Pair Girta hai to aa jate hain Aa're le ker

Wo Jo Asooda'e Saaahil Hain,Unhe Kya maloom
Ab K Mauj aai to Palte gi kinare le ker

Sheher waloon ko kahain Yaad hai wo Khawaab Farosh
Phirta Rehta Tha Jo Galyoon me Gubaare le ker

Naqde Jaan Sarf hoa Kulfate Hasti me Faraaz
Ab jo zindaa hain to Kuch Sansaain Udhare le ker

Aisa nahi k us sa Mohabbat nahi hamain,
Gham Roz Roz sehna ki aadat nahi hamain,
Har bar us k samna sar ko juka liya,
Our pir b dekh uss sa Shikayat nahi hamain,
Aetibar kar k Chahte hai hum,
Uss k siwa kisi ki b Chahat nahi hamain,
Hum jantain hai wo b hai Tanha hamra bina,
Oouron sa poochne ki zarorat nahi hamain,
Kaisay rahain ga Bin uss k ab Baat man lay,
Us k bagair Rahnay ki Aadat nahi hamain...!!!

MUHHABAT CHOOD DI HUM NE

abhi jo lout kr phir tum,
Hamary dar pe aye ho,
ye tumse keh dia kisne,
K tum bin reh nahi skte?
Ye dukh hum seh nahi sakty?
Agar tum jan'na chaho,
K aisa kiuon kiya humne,
Ye dukh kiuon seh lia humne,
to sun lo ghor se jana,
Purani ehd-e-rafta ki riwayat tor di humne,
MUHHABAT CHOOR DI HUM NE
MUHHABAT CHOOD DI HUM NE

yuun na mil mujh se Khafaa ho jaise
saath chal mauj-e-sabaa ho jaise
log yuun dekh kar hans dete hain
tuu mujhe bhool gayaa ho jaise
ishq ko shirk kii hadh tak na badhaa
yuun na mil hamse Khudaa ho jaise
maut bhii aaii to iss naaz ke saath
mujh pe ehasaan kiyaa ho jaise
aise anjaan bane baithe ho
tum ko kuchh bhii na pataa ho jaise
hichkiyaan raat ko aatii hii rahiin
tuu ne phir yaad kiyaa ho jaise
zindagii beet rahii hai "..........."
ek bejurm sazaa ho jaise

Ajab Pagal Si Larki Hai
Mujhay her khat main likhti hai
“Mujhay tum yaad kertay ho?
Tumhain main yaad aati hooN?”
Mri baatain satati hain
Mri neendain jagati hain
Meri aankhain rulaati hain
December ke sunehri dhoop main abb bhi teheltay ho?
Kisi khamosh rustay se
Koi awaaz aati hai?
Thatharti sard raatoN main
Tum abb bhi chhatt pe jaatay ho?
Falak ke sab sitarooN ko
Meri baatain sunatay ho?
KitaboN se tumharay ishq main koi kami aai?
Ya mairi yaad ke shiddat se aankhoN main nami aai?
Ajab pagal Si larki hai
Mujhay her khat main likhti hai..
Jawaban ous ko likhta hooN..
Meri masroofiyat daikho subah se shaam office main
Chiragh-i-umer jalta hai
Phir ous k baad duniya kee
Kaee majbooriyan pao`n main bairi daal rakhti hain
Mujhay bay-fikr, chahat se bharay sapnay nahin dikhtay
Tehelnay, jagnay, ronay kee mohlat hee nahin milti
SitarooN se millay arsa hua..naraz hon shayad
KitabooN se shughaf maira abhi waisay he qayem hai
Farq itna parra hai ab ounahin arsay main parhta hooN
Tumhain kis ne kaha pagli tumhain main yaad kerta hooN
Ke main khud ko bhulanay kee musalsal justajoo main hooN
Tumhain na yaad aanay kee musalsal justajoo main hooN
Mager yeh justajoo meri bohat nakaam rehti hai
Mere din raat main abb bhee tumhari shaam rehti hai
Mere lafzooN ki her maala tumharay naam rehti hai
Tumhain kis ne kaha pagli tumhain main yaad kerta hooN
Purani baat hai jo log akser gungunatay hain
Unhain hUm yaad kertay hain jinhain hUm bhool jatay hain
Ajab pagal si lerki ho
Meri masroofiyat daikhoo
Tumhain dil se bhulaooN tu tumhari yaad aaye na
Tumhain dil se bulanay kee mujhay fursat nahin milti
Aur is masroof jeewan main
Tumahray khat ka ikk jumla
“Tumhain main yaad aati hooN ?”
Meri chahat ki shiddat main kami honay nahin daita
Buhat raatain jagata hai mujhay sonay nahin daita
So agli baar apnay khat main yeh jumla nahin likhna
Ajab pagal si larki hai mujhay phir bhee ye likhti hai
Mujhay tum yaad kertay ho tumhain main yaad aati ho

Suno….!
Ab raat Sarhe Dus baje
Phone ki Ghanti nahi Bajti
Lekin ab bhi usi Makhssos waqt per
Samaa’atoon ko intezaar hota hai
Jase achanak,
Phone ki Ghanti Baj Uthe Gi
Or Phone Uthane Per,
Dosri Jaanib Se,
Koi Aahistaa se poche ga
“Soo to nahi gain thin??
Tabiyaat kasi hai??
Or Haan…Dawa Baqaidgi se leti ho na??
Ghar me sab log kase hain??
Pindi ka mosam kasa hai??
Apna Khayal Rakhna’
Acha Phir Kal Baat hogi,
Khuda Hafiz Keh ker
Receiver Rakh de ga.